1 SAMUEL 15:33 - BIBEL JAMITA NA DENGGAN

³³ Didok si Samuel ma, “Songon podangmi na dung mambaen bahat halak agoan anak, laing songon i muse ma inangmu gabe agoan anak.” Dung i dijaljal si Samuel ma si Agag di jolo ni langgatan na di Gilgal i.

1 SAMUEL 15:33 ပူးပေါင်းရင်းမြစ်များ

PAMUNGKAAN 9:6

Songon Debata do jolma i ditompa, jadi hara ni i sanga ise na mambuat hosa ni jolma, bunuon ni jolma muse ma ia.

1 RAJA-RAJA 18:40

Jadi didok si Elia ma, “Tangkup hamu ma angka panurirang ni Baal i; sahalak pe ulang paloas hamu malua!” Manigor ditangkupi halak na bahat i ma angka panurirang ni Baal i sude, dung i dioban si Elia ma halahi tu Batang aek Kison jana disi ma halahi sudena dibunu.

HARURUAR 17:11

Salolot dipahortang si Musa tangannia i, monang ma halak Israel. Tapi muda hum madabu tangannia i, monang ma halak Amalek.

HARURUAR 21:24

mata gonti ni mata, ipon gonti ni ipon, tangan gonti ni tangan, pat gonti ni pat,

JESAYA 34:6

Marlapu-lapu mudar dohot tabo-tabo do podang ni Tuhan, i ma mudar dohot tabo-tabo ni pahan-pahanan na nihaulkon. Pasingkopon ni Tuhan ma haul di Bosra, jana pamasaonNia ma pambantean marabis-abis di tano Edom.

JEREMIA 18:21

Hara ni i, padiar ma mate tangkuraparon angka dakdanak ni halahi sanga mate dipangan podang. Padiar ma angka dadaboru ni halahi agoan halaklahi dohot dakdanakna; padiar ma marmatean angka halaklahi baenon ni nyae masa jana angka doli-dolina marmatean di parporangan.

JEREMIA 48:10

Hona bura ma sanga ise na so patuluskon karejo na sian Tuhan sian situtu ni rohana. Hona bura ma i na so manyintak podangna lalu mambunu.

HOSEA 6:5

Hara ni i do umbaen na Husuru angka panurirangKu laho palaluhon tu hamu haputusanKu na mandok angkon uhumon jana abiskonon noma hamu. Torang jana tangkas do na nipangido ni rohangKu sian hamu:

BILANGAN 14:45

Jadi ro ma halak Amalek dohot halak Kanaan na maringanan disi mangalo halahi pataluhon halak Israel jana diayak halahi lalu tu Horma.

MATEUS 7:2

Harana songon uhum na niuhumkonmunu, songon i do niuhuman hamu muse; jana parsuhatan na nisuhatkonmunu i do niparsuhatkon tu hamu muse.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

HALUMBAAN 16:6

Dibaen madung diusehon halahi mudar ni angka halak na badia dohot angka panurirang i. Madung dilehen Ho mudar gabe inumon ni halahi tama do na songon i di halahi!”

HALUMBAAN 18:6

Baen hamu ma tusia balos ni na nibaennia i tu hamu; dua noli lompit baloskon hamu sandok na nibaennia. Isi hamu ma mangkukna i dohot siinumon na dua noli lompit korasna sian siinumon na niparade di hamu.

HAKIM-HAKIM 1:7

Didok si Adoni-Besek, “Najolo madung hugotap inang ni jari ni pat dohot tangan ni pitu pulu raja, jana hupadiar halahi mangan sian teba-teba ni sipanganon na madabu sian mejangku. Saonnari dibaen Debata ma tu au dos songon na hubaen tu halahi.” Dioban do muse si Adoni-Besek on tu Jerusalem jana disi ma marujung ngolunia.

1 SAMUEL 10:8

Dung salpu i angkon kehe do ho tu Gilgal jana painte ma disi pitu ari. Ro pe au laho manghaulkon haul situtungon dohot haul haluaan, lalu paboahon tu ho sanga aha na angkon sibaenonmu.”

1 SAMUEL 15:32

Dung i dilehen si Samuel ma parenta, “Oban ma Raja Agag tuson.” Ro ma si Agag tusia mardongan arop ni roha na gok angke didok rohania: “Ma salpu do aropku bahaya ni hamatean.”