1 SAMUEL 15:3 - BIBEL JAMITA NA DENGGAN

³ Antong, kehe ma ho jana porangi ma halak Amalek i jana segohon ma sandok arta ni halahi. Ulang adong tadingkon sanga na aha pe; bunu sude halaklahi, dadaboru, dakdanak dohot na baru sorang; lombu, biri-biri, unto dohot halode.”

1 SAMUEL 15:3 ပူးပေါင်းရင်းမြစ်များ

2 SAMUEL 1:8

Disapai ia ma sanga ise au, jana hupaboa ma tusia anggo au halak Amalek do.

HARURUAR 17:14

Dung i didok Tuhan ma tu si Musa, “Suratkon ma taringot tu hamonangan on, anso sai tongtong dipaingot-ingot. Dok tu si Josua, na giot lantuhanKu do sude halak Amalek on.”

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

BILANGAN 24:20

Dung i hatiha marbuka parnidaan ni si Bileam diida ia ma halak Amalek, dung i didok ia ma ulpuhannia songon on, “Sian sude bangso di tano on, Amalek do na gumodang hakuasoon. Tapi bangso on pe di ujungna, angkon mago muse sapanjangna.”

BILANGAN 31:17

Antong bunu hamu ma saonnari sude anak halaklahi dohot sude dadaboru na dung jungada marcampur.

JOSUA 10:39

Dibuat si Josua ma kota i dohot rajana maradu sude angka kota na asing na humaliang i. Hona bunu do sude jolma na disi. Songon na nibaen ni si Josua tu Hebron dohot Libna maradu rajana i, laing songon i do dibaen ia tu Debir dohot rajana i.

1 SAMUEL 14:48

Na barani do ia marporang jana ditaluhon ia do halak Amalek, lalu dipalua ia Israel sian kuaso ni pangarampas.

1 SAMUEL 15:18

boti muse na disuru ni Tuhan do raja i mamusa halak Amalek na jahat i. Disuru Tuhan raja i marporang mangalo halahi lopus abis halahi.

1 SAMUEL 15:9

Tapi anggo si Agag dohot tentarana i ditangkup jana dipadiar ia do mangolu, songon i biri-biri dohot lombu na jeges-jegesna i, anak ni lombu dohot anak ni biri-biri na ummokmok, dohot sude na mararga; hum pahan-pahanan na so marguna dohot na so mararga sajo do na dimatehon.

1 SAMUEL 22:19

Laing diparentahon si Saul muse dope anso dibunu sude halak Nob, kota ni malim i; halaklahi, dadaboru, dakdanak dohot na baru sorang, songon i lombu, halode dohot biri-biri – diabiskon sude.

1 SAMUEL 27:9

jana dibunu halahi do sude halaklahi dohot dadaboru jana dirampas halahi biri-biri, lombu, halode, unto dohot angka pakean na. Dung i mulak ma ia jana dipaboa ia do tu si Akhis.

1 SAMUEL 30:17

Di na laho torang ari ancogotna i, diroro si Daud ma halahi jana marporang ma lopus borngin. Asing ni siopat ratus halak doli-doli na maporus mangalombut unto, sahalak pe nada adong na malua musu i.