1 SAMUEL 15:29 - BIBEL JAMITA NA DENGGAN

²⁹ Nada margabus bope nada muba muse roha ni Na Marmulia Debata ni Israel, angke nada jolma Ia.”

1 SAMUEL 15:29 ပူးပေါင်းရင်းမြစ်များ

1 JUJUR TAON 29:11

Tutu do Ho na godang, jana na markuaso. Marmulia do Ho, manongtong jana na godang. Ho do nampuna sasude na adong di langit dohot na di tano on. Raja na bonggal do Ho, na mangarajai sandok na adong.

MASMUR 29:11

Sai dipargogoi Tuhan ma bangsoNia, jana mangalehen hasonangan di halahi.

MASMUR 68:35

Homang ma da roha mida tangan ni Debatanta muda ruar Ia sian parmiananNia. Dilehen Debata ni Israel do di bangsoNia hagogoan dohot kuasoNa. Puji-pujian ma di Debata!

MASMUR 95:11

Gabe marsumpa Au di bagasan murukKu, nada masuhan ni halahi tano i laho maradian rap dohot Au.”

JESAYA 45:24

Dokkonon ni halak ma, ‘Hum di Tuhan dapot hagogoan dohot hamonangan!’ Tapi manjagit hahaila ma sude na margoyak ni roha mida Ia.

JEHESKIEL 24:14

Au Tuhan Debata, madung mandok songon i. Madung dapot hatihana di Au laho martindak. Indangkon na ra Au manghalupahon dosami jana ampunanKu sanga gabe ibo rohangKu tu ho. Hona uhum do ho hombar tu sasude pangalahomu. Au Tuhan Debata, madung mandok songon i.”

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!

2 KORINTUS 12:9

Hape dialusi Tuhan ma, “Tuk ma asi ni rohangKu mida ho, harana di bagasan hagaleon do kuasongKu gabe singkop.” Hara ni i ma umbaen na sai por rohangku mamuji hagaleanku, angke muda gale au, topet ma disi huhilala diondihon hagogoan ni Kristus au.

PANGARATAION 33:27

Sai tongtong do Debata na gabe pambelamunu; tanganNa na so ra mantak i panungkolmunu. Dipaorot Ia musu sian jolomunu, disuru Ia ho mangaropuk sude alomu.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

2 TIMOTEUS 2:13

Muda nada torus hita burju, laing tongtong do Ia burju, angke nada tarbaen Ia mamorso diriNia.”

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

IBRANI 7:21

Tapi anggo Ia mamake sumpa do i di na niangkat Ia gabe Malim, di na nidok ni Debata tuSia, “Madung marsumpa Tuhan, jana na so ubaonNia be di na nidokNia i, ‘Ho do Malim salolot-lolotna.’ ”