1 SAMUEL 15:26 - BIBEL JAMITA NA DENGGAN

²⁶ Tapi dialusi si Samuel ma, “Nada ra au rap mulak dohot ho be. Na dung manggagai do raja i tu parenta ni Tuhan, jana Ia pe na dung ditulakNia do raja i songon raja ni Israel.”

1 SAMUEL 15:26 ပူးပေါင်းရင်းမြစ်များ

PAMUNGKAAN 42:38

Tapi didok si Jakob ma, “Nada! Na so tola si Benyamin kehe rap dohot hamu; ma mate angkangnia i, hape saonnari hum ia sajo noma na tading. Ulang-ulang betak na marmara do ia lalu di tonga dalan i. Au ma matobang, jana hamarsahan na nialapanmunu on ma patibu mate au.”

2 SAMUEL 12:9

Biasi dipasiding ho angka na Huparentahon? Biasi dibaen ho hajahatan i? Disuru bunu ho si Uria di parporangan; dipadiar ho ma ia dibunu halak Amon, lalu dibuat ho dadaborunia i!

2 SAMUEL 7:15

Tapi nada mantak Au manghaholongi ia songon na dung Huantak manghaholongi si Saul. Madung Hubaen songon i maradopkon si Saul, anso ho gabe raja.

JEREMIA 6:19

Parrohahon ma ale portibi! Nada ra bangsongKu manjagit pangajaranKu jana nada mangoloi tu Au. Hara ni angka tahi ni halahi, Huparo ma parmaraan tu halahi.

HOSEA 13:11

Hara ni muruk, Hulehen raja di hamu, jana mardongan rimas Hutarik mangulahi.”

HOSEA 4:6

Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.

BAENON NI ANGKA RASUL 13:22

Dung i dipaijur Debata ma ia sian juguhannia i, dipabangkit Debata ma si Daud gabe raja ni halahi. Jana on ma na nidok ni Debata tu si Daud, ‘Si Daud anak ni si Isai i do na pasonang rohangKu. Ia do na giot patuluskon hagiotKu.’

2 JOHANNES 1:11

Angke sanga ise na manjalang halak na songon i, na dohot do i rap dohot halahi mambaen parange na jahat i.

1 SAMUEL 13:14

Hape anggo saonnari nada martahan raja i mamarenta. Dibaen nada diihutkon raja i parenta ni Tuhan, gabe dipili Tuhan ma halak giot ni rohaNa sibaenon raja di bangsoNia.”

1 SAMUEL 15:23

Angke na mangalo tu Tuhan tudos tu na padalan aji do jahat ni i jana hatangkangon sarupa do jahat ni i tu na manyomba debata. Dibaen madung ditulakkon raja i parenta ni Tuhan, jadi Tuhan i pe madung manulakkon raja i songon sada raja.”

1 SAMUEL 15:31

Dung i rap mulak ma si Samuel dohot ia tu Gilgal jana maribadat ma si Saul tu Tuhan.

1 SAMUEL 16:1

Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.

1 SAMUEL 28:18

Madung dialo ho parenta ni Tuhan, nada dipusa ho halak Amalek maradu sude sinadongan ni halahi. I ma dalanna umbaen na songon i dibaen Tuhan tu ho saonnari.