1 SAMUEL 15:24 - BIBEL JAMITA NA DENGGAN

²⁴ Umbege i, mangoku ma si Saul tu si Samuel, didok ia ma, “Tutu do i madung mardosa au, hulaosi do parenta ni Tuhan jana hupasiding sipaingotmi. Na mabiar do au tu paranganki gabe huoloi pangidoan ni halahi i.

1 SAMUEL 15:24 ပူးပေါင်းရင်းမြစ်များ

PAMUNGKAAN 3:12

Dialusi halaklahi i ma, “Dadaboru na nibaenMi gabe donganku, ia do mangalehen di au, gabe hupangan.”

PAMUNGKAAN 3:17

Dung i didok Ia ma tu halaklahi i, “Dibaen madung dipatangi-tangi ho hata ni dadaborumu gabe dipangan ho batu ni hayu na Hudok na so tola panganonmu. Jadi hara ni pangalahomi, gabe hona bura ma tano. Angkon marsitutu noma ho karejo salolot di ngolumu, anso tuk panganonmu sian suha ni tano i.

2 SAMUEL 12:13

Dung i didok si Daud ma tu si Natan, “Madung mardosa au maradopkon Tuhan.” Dialusi si Natan ma, “Madung diampuni Tuhan raja i; jadi nada jabat mate be raja i.

JOB 31:34

Nada huhabiari pandapot ni halak na bahat, jana nada parduli au di hata jungkat ni halak. Na so ra do au so di bagas, sanga so sajo, hara ni na mabiar dipalayas.

MASMUR 51:4

Maradopkon Ho, maradopkon Ho sajo do au mardosa, jana hukarejohon do angka na jahat dietong Ho. Anso tutu Ho tigor di bagasan angka hataMu, jana monang muda manguhumi Ho.

HARURUAR 10:16

Diompot raja i ma marpio si Musa dohot si Harun, ning ia ma, “Madung mardosa au tu Tuhan Debatamunu bope tu hamu.

HARURUAR 23:2

Ulang dohot-dohotan hamu di halak na bahat anggo na mambaen na sala do halahi sanga na mandok hasaksian na paegolkon na tigor.

HARURUAR 9:27

Dung i disuru raja i ma anso dipio si Musa dohot si Harun, ninna ma, “Madung mardosa au sanoli on. Tigor do Tuhan i tapi au do dohot rayatku na marsala.

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

JEREMIA 38:5

Dialusi Raja Zedekia ma, “Denggan ma i, baen hamu ma tusia sanga aha giotmunu, nada tarantahi au hamu.”

BILANGAN 22:34

Didok si Bileam ma, “Madung mardosa au. Nada huboto na jongjong do Ho di tonga dalan laho mangambat au. Jadi saonnari pe, muda sala do hutoruskon pardalananku mangihutkon pandapotMu, mulak pe au.”

MATEUS 27:4

Ning ia ma, “Ma mardosa au, manghianat au tu halak na so marsala gabe didabu uhum mamatehon Ia!” Didok halahi ma mangalusi, “Ahana ma i di hami? Urusanmu do i!”

GALATIA 1:10

Adong he anso jop do roha ni jolma mida au? Dao ma i! Na pajopkon roha ni Debata do na huparayak. Adong he na giot mambuat roha au tu jolma anso jop roha ni halak mida au? Sugari laing hubaen dope antong songon i na so tutu do au naposo ni Kristus.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

1 SAMUEL 15:15

Dialusi si Saul ma, “Na nirampas sian halak Amalek do angka pahan-pahanan i. Angka biri-biri dohot lombu na jumeges madung dipambuati rayat i baen haul sihaulkonon tu Tuhan Debata. Tapi anggo lobina i, ma abis hami matehon.”

1 SAMUEL 15:30

Dialusi si Saul ma, “Ma mardosa au tutu. Tapi pinomat ma tarpatuduhon ho amang tu au sangap sian ho di jolo ni angka pamimpin ni bangsongku dohot di sude Israel. Rap dohot au ma ho mulak anso laing tarbaen au maribadat tu Tuhan Debatami.”

1 SAMUEL 15:9

Tapi anggo si Agag dohot tentarana i ditangkup jana dipadiar ia do mangolu, songon i biri-biri dohot lombu na jeges-jegesna i, anak ni lombu dohot anak ni biri-biri na ummokmok, dohot sude na mararga; hum pahan-pahanan na so marguna dohot na so mararga sajo do na dimatehon.

1 SAMUEL 2:29

Antong, biasi dope laing maradu songkal ho mida angka haul na dihaulkon ni bangsongKi tu Au? Eli, biasi sumangap dibaen ho angka anakmi ulang pado Au, jana dipadiar ho pamokmok dirina halahi marhite bagian na dumenggan sian sandok na nihaulkon ni bangsongKu tu Au?

1 SAMUEL 26:21

Dung i dialusi si Saul ma, “Ma sala na hubaen i. Mulak ma ho anakku, Daud! Nada baenonku be na jahat tu ho, dibaen madung dipadiar ho au mangolu napotangin. Na bodo ma antong pangalahongku. Na dung tutu situtu do au hape lilu.”