1 SAMUEL 15:15 - BIBEL JAMITA NA DENGGAN

¹⁵ Dialusi si Saul ma, “Na nirampas sian halak Amalek do angka pahan-pahanan i. Angka biri-biri dohot lombu na jumeges madung dipambuati rayat i baen haul sihaulkonon tu Tuhan Debata. Tapi anggo lobina i, ma abis hami matehon.”

1 SAMUEL 15:15 ပူးပေါင်းရင်းမြစ်များ

JOB 31:33

Anggo halak na asing dibunihon do dosana, hape anggo au nada unjung songon i da.

PODA 28:13

Na manabunihon dosana, nada i maruntung. Sanga ise na mangokui jana manadingkon dosana, Debata do, mangalehen ampun.

MATEUS 2:8

Dung i disuru ia ma halahi kehe tu Betlehem dung ditonai ia songon on, “Kehe ma hamu, tangkasi hamu ma satorang-torangna taringot tu Dakdanak i. Jadi dung marsuo hamu dohot Dakdanak i, paboa hamu ma tu au, anso dohot muse au ro marsomba tuSia.”

LUKAS 10:29

Tapi na giot patigor diri do Siboto Surat i. Marsapa ma ia, “Ise do satutuna na tardok, dongan jolma?”

1 SAMUEL 15:16

Umbege i didok si Samuel ma, “Painte jolo santongkin. Giot paboaonku di raja i sanga aha na nidok ni Debata tu au na potangin.” “Dokkon ma,” ning si Saul.

1 SAMUEL 15:21

Tapi anggo paranganki, madung dipilii halahi biri-biri dohot lombu na dumenggan sian angka na hona rampas i baen sihaulkonon di Gilgal gabe haul tu Tuhan Debatami.”

1 SAMUEL 15:9

Tapi anggo si Agag dohot tentarana i ditangkup jana dipadiar ia do mangolu, songon i biri-biri dohot lombu na jeges-jegesna i, anak ni lombu dohot anak ni biri-biri na ummokmok, dohot sude na mararga; hum pahan-pahanan na so marguna dohot na so mararga sajo do na dimatehon.