disuru ia ma tusi maroban tona na mandok, “Sai dipasupasu Tuhan ma hamu, dibaen dipatuduhon hamu do na burju hamu tu rajamunu i marhite na mananom bangkena.
Songon i muse ma hamu. Muda dung dioloi hamu sude na niparentahon tu hamu, dok hamu ma, ‘Anggo hami hum naposo na somal-somal i do hami; hum na patut baenon do na hami karejohon i.’ ”
Jadi tanda sajo ma dibaen Parise i parjongjongnia jana martangiang ma ia, ‘O ale Debata, mandok tarimakasi ma au tu Ho, angke nada sarupa au dohot angka halak na asing i, na manyamun, na so jujur dohot na mangalangkup. Tarimakasi ma hudok dibaen nada tudos au dohot halak sitagi pajak indi.
Sanoli didok ia ma tu inangnia, “Inang! Dompak na magoan inang saribu saratus hepeng perak, hubege diburai inang do na manangko i. Di au do hepeng i, au do na mambuatsa.” Dialusi inangnia i ma, “Sai dipasupasu Tuhan ma da ho, anakku!”
“Dipasupasu Tuhan do ho Rut,” ninna si Boas. “Saonnari tumangkas dope holong ni rohamu tu kahanggimu ulang pado na dung nibaenmu tu namborumi. Na tola do ho manjalahi halaklahimu na poso sian tonga-tonga ni na kayo sanga na pogos, hape nada songon i dibaen ho.
“Manyosal do Au dung Hubaen si Saul gabe raja, angke marbalik do ia sian Au, jana nada dipatulus ia na Huparentahon.” Muruk ma si Samuel jana saborngin i sai humolos ma ia tu Tuhan.
Dialusi si Saul ma, “Madung huoloi na niparentahon ni Tuhan, jana kehe do au hombar tu parsuruNa tu au. Hutaban do si Agag raja ni Amalek i jana madung hubunu sude halak Amalek.
Tapi anggo si Agag dohot tentarana i ditangkup jana dipadiar ia do mangolu, songon i biri-biri dohot lombu na jeges-jegesna i, anak ni lombu dohot anak ni biri-biri na ummokmok, dohot sude na mararga; hum pahan-pahanan na so marguna dohot na so mararga sajo do na dimatehon.
Di hatiha i na dung adong do sada hatoban na paboahon tu si Abigail dadaboru ni si Nabal i, songon on, “Ma dibege hamu dehe ulaning? Disuru si Daud do piga-piga halak suruannia sian parhorsihan palaluhon tabe tu tuanta, hape dipalayas tuan i halahi.