1 SAMUEL 15:12 - BIBEL JAMITA NA DENGGAN

¹² Ancogotna i, manyogot dope, kehe ma si Samuel anso marsuo nian dohot si Saul. Dipaboa ma tusia bahaso na dung kehe si Saul tu kota Karmel jana dipajongjong ia disi sada batu parningotan disia, sian i torus ia tu Gilgal.

1 SAMUEL 15:12 ပူးပေါင်းရင်းမြစ်များ

PAMUNGKAAN 21:14

Manyogotna i dipasahat si Abraham ma tu si Hagar saotik sipanganon dohot aek di bagasan kantongan kulit anso adong bohal di dalan. Dipaompahon ia ma dakdanak i tu tanggurung ni si Hagar jana disuru ia ma kehe anakboru i. Jadi kehe ma si Hagar jana madangadang ma ia di padang parhorsihan Berseba.

2 SAMUEL 18:18

Taran di ngolu ni si Absalom dope, na dung dipajongjong ia humani do disia sandiri sada tugu di Rura Raja, angke nada adong anak halaklahi disia laho paudutkon pomparan disia. Dibaen ia ma goar ni tugu i mangihutkon goarnia sandiri, jana lalu tu sadari on laing na habotoan do tugu i, tugu ni si Absalom.

2 SAMUEL 23:35

Si Hesrai, halak Karmel; si Paerai, halak Arbi.

1 RAJA-RAJA 18:42

Jadi kehe ma si Ahab mangan jana si Elia kehe ma manangkok tu Dolok Karmel. Manungkap ma ia tu tano, diantara ni dugulnia i ma ulunia.

2 JUJUR TAON 26:10

Laing dipajongjong ia muse ma angka palas-palas na marbenteng di luat padang-padang jana dihuar ia bahat sumur hara ni bahatna pahan-pahanannia di angka partoran na hornop bope di tano napa na toruk na di sabola Hasundutan. Dibaen tartarik do rohania tu partanian, dianjurkon ia do tu rayat i anso manyuan anggur di angka luat na mardolok dohot manggarap luat na napu.

JOSUA 15:55

Songon i muse sisampulu kota na mangihut on dohot angka luat na humaliangna: Maon, Karmel, Zip, Juta, Jisreel, Jokdeam, Zanoah, Kain, Gibea dohot Timna.

1 SAMUEL 13:12

Jadi ning rohangku, ulang-ulang santongkin nari ro ma tentara ni Pilistin mangaroro au di Gilgal on, hape na so mangido ibo ni roha dope au sian Tuhan. Jadi hara ni i ma gabe hubuat ma haputusan laho manghaulkon haul i.”

1 SAMUEL 13:15

Dung i kehe ma si Samuel sian Gilgal jana dipatorus ia ma pardalanannia tu Gibea na di Luat Benyamin. Si Saul pe dipareso ia ma parangannia, onom ratus halak bahatna.

1 SAMUEL 17:20

Ancogotna i manyogot dope, ngot ma si Daud, lalu markobas, dipasahat ia ma biri-birinia i tu sada halak na manjago, dung i dibuat ia ma siobanonnia lalu kehe ma ia songon na niparentahon ni amangnia i. Di parlalunia i topet ma diparkehe ni halak Israel tu galanggang ni porang lalu marsurakkon sora ni porang.

1 SAMUEL 25:2

Di hatiha i adong do sada bayo di Maon, nampuna usaho di lambung kota Karmel. Na kayo do ia jana adong do tolu ribu biri-birinia dohot hambengnia saribu. Sanoli manggusting imbulu ni biri-birina do ibana di Karmel.

1 SAMUEL 7:12

Dung i dibuat si Samuel ma sada batu, dipajongjong ia ma batu i di parbalohan ni Mispa dohot Sen. Didok ia ma, “Diurupi Tuhan do hita sapanjang pardalananta,” – jana digoari ia ma batu i “Eben-Haeser, Batu Pangurupion”.