1 SAMUEL 15:1 - BIBEL JAMITA NA DENGGAN

¹ Sanoli didok si Samuel ma tu si Saul, “Na nisuru ni Tuhan do au mangojakkon raja i gabe raja di Israel bangsoNa i. Jadi patutna ma nian tangihonon ni raja i parenta ni Tuhan Na Markuaso i.

1 SAMUEL 15:1 ပူးပေါင်းရင်းမြစ်များ

2 RAJA-RAJA 7:1

Dialusi si Elisa ma, “Tangihon ma sanga aha na nidok ni Tuhan! Ancogot, hira-hira tarsongon hatihana, tartobusi halak ma tolu kilogram gandum na dumenggan sanga onom kilogram jawawut dohot hepeng saperak sajo.”

1 SAMUEL 10:1

Dung i dibuat si Samuel ma tanduk na marisi miak zetun, lalu diduruskon ia ma i tu ulu ni si Saul jana diumma ia si Saul lalu didok ia, “Madung dipabangkit Tuhan ho gabe raja ni bangsoNa Israel. Parentaonmu ma bangsoNa i jana ondihononmu halahi maradopkon angka musu ni halahi.” On ma tandana di ho, paboa na dung dipili ni Tuhan ho gabe raja di bangsoNia:

1 SAMUEL 12:14

Martua ma hamu muda dipasangap hamu Tuhan i jana mangoloi hamu tuSia bope ditangihon jana dioloi hamu parentaNia, lumobi muda hot hamu dohot rajamunu i mangihut di Tuhan Debatamunu i.

1 SAMUEL 13:13

Umbege i gabe didok si Samuel ma tu si Saul, “Santak do bodona na nibaen ni raja i. Sugari sura dioloi raja i parenta ni Tuhan Debata na tu raja i, pasti do pahoton ni Tuhan raja i dohot pomparan ni raja i di Israel salolot-lolotna.

1 SAMUEL 9:15

Sadari painte so i dilehen Tuhan do tona tu si Samuel,

1 SAMUEL 9:16

“Ancogot manyogot tarsongonon arina, suruonKu do sahalak sian Marga Benyamin mandapotkon ho. Miahi ma ia gabe raja di bangsongKu Israel. Paluaonnia ma bangsongKi sian halak Pilistin. Madung Huida sitaonon ni bangsongKu jana madung Hubege partangis ni halahi mangido tolong.”