1 SAMUEL 14:45 - BIBEL JAMITA NA DENGGAN

⁴⁵ Tapi mangkuling ma rayat i tu si Saul, “Angkon mate hona uhum ma he si Jonatan? Inda he ia na maroban hamonangan godang on? Nada! Marjanji do hami mangasahon Tuhan na mangolu i, na so tola agoan obuk sangkamata pe si Jonatan sian ulunia. Angke hara ni panolong ni Tuhan do umbaen na dapotan hamonangan ia di ari sadari on.” Songon i ma rayat i paluahon si Jonatan sian uhum hamatean.

1 SAMUEL 14:45 ပူးပေါင်းရင်းမြစ်များ

2 SAMUEL 14:11

Didok anakboru i ma, “Sugari nian ditangiangkon raja i ma jolo tu Tuhan Debata ni raja i, anso ulang jabat dibaen halak na giot mamalos hamamate ni anakki nian hajahatan na gumodang dope marhite na mamunu anakku na sada nari i.” Dialusi si Daud ma, “Mangasahon Tuhan na mangolu i, indada hahuaon anakmi, haru hum saotik pe.”

1 RAJA-RAJA 1:52

Dialusi si Salomo ma, “Muda denggan parangenia, nada pola hahuaon ia, tapi muda dibaen ia na jahat angkon mate do ia.”

2 JUJUR TAON 19:11

Tu Malim Godang Amarya hulehen do kuaso partimbo salaho tu sude parkaro na mardomu tu uhum ni Tuhan. Tu si Zebaya anak ni si Ismael, i ma gubernur ni Juda, hulehen kuaso partimbo salaho tu sandok parkaro na asing. Tanggung jawab ni angka halak Levi ma manjago anso didalankon angka haputusan ni pangadilan. Ihutkon hamu ma panogu-noguon na hudok on jana tegas ma tindakanmunu. Sai didongani Tuhan ma halak na tigor pambaenanna!”

NEHEMIA 9:27

Jadi gabe dipasahat Ho ma halahi tu musuna. Na mangarajai dohot mamisat halahi dohot hakejamonna. Tapi di na nidondonan ni hasusaan i, pio-pio ma halahi tu Ho mangido pangurupi. Sian banua ginjang Ho manangihonsa; mardongan holong ni roha na gok dilehen Ho alusna. Ditongos Ho pamimpin dohot na barani, na paluahon halahi sian na mamusui.

JESAYA 13:3

Madung dipiohon Tuhan angka ulubalang na nipilianNia na garang, na marpos ni roha di dirina jana na papos roha laho mamorangi dohot manguhumi angka jolma na hona murukNia.

MATEUS 10:30

Salang obuk na di ulumunu i pe na dung nietong do sudena i.

LUKAS 21:18

Tapi sada obuk pe sian ulumunu i nada tola mago.

BAENON NI ANGKA RASUL 14:27

Dung lalu halahi di Antiokia, dipalagut halahi ma angka dongan na di parlagutan i. Dibaritahon halahi ma sude na dung dibaen Debata markite-hite halahi. Laing dipaboa halahi ma sanga na bia dibaen Debata laho mangungkap dalan anso laing dohot halak na asing na so Jahudi mangkaporsayai Jesus.

BAENON NI ANGKA RASUL 15:12

Gabe tarhohom ma sudena na marlagut i disi. Dung i dibege halahi ma si Barnabas dohot si Paulus mangulahi mambaritahon sudena tanda-tanda dohot hahomangan na nibaen ni Debata markite-hite halahi di tonga-tonga ni bangso na asing na so Jahudi.

BAENON NI ANGKA RASUL 21:19

Jadi dung marsijalangan dohot halahi, dipajojor si Paulus ma tu halahi sandok na nibaen ni Debata markite-hite ia di tonga-tonga ni bangso na asing na so Jahudi.

BAENON NI ANGKA RASUL 27:34

Hupangido mangan ma hamu jolo bope hum saotik. Denggan do i anso margogo hamu mangulahi. Harana angkon laing malua do hamu sude jana nada pola hurangan hamu sanga aha,” ninna si Paulus.

SURAT NI SI PAULUS TU PARLAGUTAN ROM 15:18

Angke nada puluk au mangkobari taringot tu bagi aha pe, asing ni na dikarejohon ni Kristus markite-hite au, anso hupatunduk angka bangso na asing tu pangoloion, markite-hite hata dohot pambaenan,

1 KORINTUS 3:9

Rap parkarejo ni Debata do hami na dua; tapi anggo hamu kobun ni Debata do dohot bagas ni Debata.

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

HALUMBAAN 19:14

Diihutkon angka parangan na sian banua ginjang ma Ia, rap markudo na bontar jana marpakean linen na bontar saksak.

1 SAMUEL 11:13

Tapi didok si Saul ma, “Sada halak pe nada tola bunuon di ari sadari on, angke madung dipalua Tuhan Israel di ari sadari on.”

1 SAMUEL 14:23

Marporang ma halahi saginjang ni dalan lopus salpu Bet-Awen. Dipalua Tuhan ma Israel di ari i.

1 SAMUEL 14:46

Dung i mulak ma halak Pilistin tu tano ni halahi sandiri dibaen ma mantak si Saul mangkojar halahi.

1 SAMUEL 19:5

Ma pola martaru hosa ia di na mamunu si Goliat, jana dilehen Tuhan do hamonangan na godang tu Israel markite-hite ia. Diida amang sandiri do na masa i, jana jop do roha ni amang di hatiha i. Jadi biasi ma saonnari giot pusaon ni amang halak na so marsala i jana giot bunuon ni amang si Daud so adong harana?”