1 SAMUEL 14:41 - BIBEL JAMITA NA DENGGAN

⁴¹ Dung i martangiang ma si Saul, “Tuhan, Debata ni Israel, biasi nada dialusi Ho au di ari sadari on? Tuhan, alusi ma au marhite angka batu na badia on. Muda di au do hasalaan i sanga di si Jonatan, alusi ma dohot Urim, tapi muda di bangsoMu Israel do hasalaan i, alusi ma dohot Tumim.” Jadi manudu tu si Saul dohot tu si Jonatan do hasalaan i; jadi di na songon i dipaboa ma na so marsala rayat i.

1 SAMUEL 14:41 ပူးပေါင်းရင်းမြစ်များ

PODA 16:33

Dibaen halak do undi, tapi Tuhan do na manontuhon sude alusna.

PODA 18:18

Muda maradopan dua halak na gogo di pangadilan, tarpaberes do parkaro i marhite undian.

JUNUS 1:7

Dung manaek si Junus dohot nakhoda i tu ginjang, marsidokkonan ma angka parkapal i sama halahi, “Tole ma tabaen undi, anso taboto sanga ise na sala umbaen na ro parmaraan on tu hita!” Jadi dibaen halahi ma undi, jana goar ni si Junus ma hona.

BAENON NI ANGKA RASUL 1:24

Dung i ditangiangkon halahi ma i. Ninna halahi ma, “O Tuhan, Ho do na umboto sude roha ni jolma. Madung ditinggalkon si Judas tohonan harasulonnia. Madung mate ia. Hara ni i patuduhon ma tu hami, sanga ise do sian na dua on na nitodoMu gabe hasahatan ni karejo i manggonti si Judas.”

BAENON NI ANGKA RASUL 1:26

Dung i diundi halahi ma goar na dua i, jadi madabu ma tu si Matias. Jadi diangkat halahi ma ia gabe rasul anso rap dohot angka rasul na sabolas halak nari i.

1 SAMUEL 14:40

Dung i didok si Saul ma tu sude bangso Israel, “Hamu sude jongjong sabola adu, jana au dohot si Jonatan jongjong sabola on.” Dialusi halahi ma, “Dibaen raja i ma da sanga dia na denggan didok roha ni raja i.”

1 SAMUEL 14:42

Dung i didok si Saul ma, “Tontuhon ma antara au dohot si Jonatan.” Jadi si Jonatan ma dipatorang marsala.