1 SAMUEL 14:38 - BIBEL JAMITA NA DENGGAN

³⁸ Jadi gabe didok si Saul ma tu angka pamimpin ni rayat i, “Ro ma hamu tuson, jana pareso hamu sanga dosa aha na dibaen sadari on.

1 SAMUEL 14:38 ပူးပေါင်းရင်းမြစ်များ

2 SAMUEL 18:3

Tapi dialusi halahi ma, “Ulang, rajanami. Harana, sugari tarpaksa angkon marlojongi hami, sanga sugari mate rupani satonga sian hami, nada parduli musunta i disi, angke raja i do na nirohaan ni halahi. Sarupa do arga ni raja i dohot sampulu ribu sian hami on. Boti muse, gumonan do raja i manongos bantuan tu hami sian kota.”

MASMUR 47:9

Marlagut ma pamimpin ni angka bangso, songon bangso ni Debata na nisomba ni si Abraham. Angke raja na godang do Debata, gumincat do kuasoNia sian sude parangan.

ZAKARIA 10:4

PilionKu ma sian tonga-tonga ni halahi na gabe parkuaso, pamimpin dohot panglima na giot mamarenta bangsongKi.

BILANGAN 24:17

Madung huida na giot masa muse di Israel. Sada raja na marasal sian Israel. Giot ro songon parbincar ni bintang, sada bintang na marlalai, na marsinondang. Pamimpin ni Moab giot libasonnia angka bangso Set giot taluhononnia.

MATEUS 21:42

Dung i ninna Jesus ma tu halahi, “Na so unjung dope tarsise hamu surat na di Buku Na Badia i? ‘Batu na niambungkon ni pande bagas i madung gabe batu parsuhi. Songon i ma pambaen ni Tuhan; sada pambaenan hahomangan di matanta.’ ”

EPESUS 2:20

Hamu pe di ginjang ni ojahan na nipayakkon ni angka rasul dohot angka panurirang do hamu dipajongjong, jana Jesus Kristus ma baen batu parsuhi.

JOSUA 7:11

Na mardosa do halak Israel. Madung Huparentahon tu halahi laho mangoloi parjanjian antara ni halahi dohot Au hape dilaosi halahi do i! Angka barang-barang sironcohononkon pe laing adong do dibuat halahi. Ditangko jana dibunihon halahi do i di antara ni barang-barang ni halahi, jana dipaula so diboto halahi ma i!

JOSUA 7:12

On ma dalanna umbaen na so tahan halahi mangadopi musu i. Sumurut pe halahi dibaen musu i harana na dung didabu do uhuman tu halahi sandiri anso dironcohon. Nada dongananKu be hamu anggo so dironcohon dope angka barang na so sibuaton i.

HAKIM-HAKIM 20:2

Adong ma sudena opat ratus ribu tentara pardalan pat. Laing dohot muse do ro disi angka pamimpin ni ganop marga ni Israel.