1 SAMUEL 14:37 - BIBEL JAMITA NA DENGGAN

³⁷ Lalu marsapa ma si Saul tu Debata, “Tola dehe au mangaroro halak Pilistin? PasahatonMu dehe halahi tu tangan ni Israel?” Hapengani nada dialusi Debata ia di ari i.

1 SAMUEL 14:37 ပူးပေါင်းရင်းမြစ်များ

2 SAMUEL 5:19

Marsapa ma si Daud tu Tuhan, “Angkon poranganku dehe ulaning halak Pilistin i? LehenonMu do hamonangan di au?” Alus ni Tuhan, “Alo ma! Hulehen pe hamonangan di ho!”

2 SAMUEL 5:23

Dipangido si Daud ma muse panogu-noguon sian Tuhan. Dialusi Tuhan ma, “Ulang alo halahi sian on, tapi dalani ma mamutar jana sian pudi ma alo halahi, di lambung ni harangan ni gaboro i.

1 RAJA-RAJA 22:15

Dung lalu si Mika di jolo ni Raja Ahab, disapai raja i ma, “Mika! Tola dehe Raja Josafat dohot au kehe mamorangi Ramot sanga nada?” “Porangi ma!” ning si Mika. “Madung tontu marhasil tuan i. Lehenon ni Tuhan do i hamonangan di tuan i.”

1 RAJA-RAJA 22:5

Tapi dumenggan ma jolo taparsapahon tu Tuhan.”

JEHESKIEL 20:3

“Ale jolma parsantongkinan, manghobari ma ho dohot angka pamimpin i jana dok ma bahaso Au Tuhan Debata mandok songon on, ‘Na puluk ma hamu antong mangido panogu-noguon tu Au! Hara ni Au, Debata na mangolu, nada ra Au anggo hamu do mangido panogu-noguon sian Au! Au Tuhan Debata madung mandok songon i.’

HAKIM-HAKIM 1:1

Dung marujung ngolu ni si Josua, marsapa ma halak Israel tu Tuhan, “Tuhan, marga dia do sian hami na parjolo angkon mamorangi halak Kanaan?”

HAKIM-HAKIM 20:18

Kehe ma halak Israel tu inganan paribadatan na di Betel, lalu disapai halahi ma tu Debata, “Horong ni marga dia do sian hami angkon na parjolo situtu kehe mamorangi halak Benyamin?” Dialusi Tuhan ma, “Marga Juda.”

HAKIM-HAKIM 20:28

jana si Pinehas anak ni si Eleasar, pahompu ni si Harun do na markarejo gabe malim. Jadi marsapa ma rayat i tu Tuhan, “Tuhan, angkon laing kehe dope hami mamorangi angka kahangginami halak Benyamin i, sanga na angkon antahonanmi do porang on?” Dialusi Tuhan ma, “Pajolo hamu ma mamorangi halahi! Ancogot lehenonKu ma hamonangan di hamu.”

1 SAMUEL 10:22

Jadi sapa-sapa ma angka jolma i tu Tuhan, “O Tuhan, na dung dison dehe halakna i?” Dialusi Tuhan ma, “Martabuni do ia di balik ni barang-barang.”

1 SAMUEL 23:2

Dung i disapai ia ma tu Tuhan, “Angkon kehe dehe au mangalo halak Pilistin i?” ning ia. “Olo,” ninna Tuhan mangalusi, “Alo ma halahi jana palua ma Kehila.”

1 SAMUEL 23:4

Jadi gabe mangido panogu-noguon ma si Daud mangulahi sian Tuhan, jana dialusi Tuhan ma, “Ulang gamang hamu! Roro hamu ma tu Kehila, harana giot pasahatonKu do tentara ni Pilistin i tu hamu.”

1 SAMUEL 28:6

Gabe mangido panogu-noguon ma ia tu Tuhan, hape nada dialusi Tuhan ia, sanga di nipi bope dohot na mamake Urim dohot Tumim sanga pe markite-hite panurirang.