1 SAMUEL 14:36 - BIBEL JAMITA NA DENGGAN

³⁶ Dung i mandok hata ma si Saul tu parangannia i, “Beta ma taroro mangalo halak Pilistin borngin on lalu tarampasi lopus torang ari jana tabunu halahi sudena.” Dialusi halahi ma, “Dibaen raja i ma, sanga aha na denggan didok roha ni raja i.” Tapi didok malim i, “Jolo tapangido ma da panogu-noguon sian Debata.”

1 SAMUEL 14:36 ပူးပေါင်းရင်းမြစ်များ

MASMUR 73:28

Denggan sajo do di au, hara ni na donok tu Debata, parondingan do hubaen Tuhan Debata, anso tarpajojor au pambaenanNia sudena.

JESAYA 58:2

Dijalahi halahi do Au ganop ari, jana marpor ni roha giot mananda nasa dalanKu. Songon bangso na mangkarejohon na tutu dohot na so maninggalkon aturan ni Debatana disapai halahi do Au taringot tu aturan na tigor, jop do roha ni halahi mangadop tu Debata.

JEREMIA 6:5

Dumenggan ma borngin hita pungka mamorangi, lalu mangaroncohon angka benteng ni kota i.”

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

BILANGAN 27:21

Angkon marsapa do si Josua tu si Eleasar jana sapaan ni si Eleasar ma hagiotKu marhite na mamake Urim. Marhite na songon i ma si Eleasar mamimpin si Josua dohot sude bangso Israel di sude parkaro na ro tu halahi.”

JAKOBUS 4:8

Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.

JOSUA 10:19

“tapi ulang maringanan disi. Kojar hamu ma torus musu i jana sian pudi ma diporangi halahi; ulang nipaloas halahi masuk tu angka kota ni halahi! Madung dilehen Tuhan Debatamu hamonangan tu hamu maralohon halahi.”

JOSUA 11:14

Dibunu sude jolma na maringanan di angka kota i, umpe sada halak dipadiar mangolu. Tapi anggo angka barang-barangna sigodang arga sudena dohot pahan-pahananna dibuat halak Israel do i gabe halahi puna.

1 SAMUEL 1:23

Dialusi si Elkana ma, “Antong denggan, patulus ma sanga aha na denggan diida ho; di bagas ma ho lopus mantak managuk anakta i. Jana sai tulus ma janjimi dibaen Tuhan.” Jadi laing di bagas ma si Hanna tinggal lopus mantak managuk anaknia i.

1 SAMUEL 11:11

Ancogotna i, manyogot-nyogot, dibagi tolu si Saul ma angka parangannia i. Jana painte so bincar mataniari diroro halahi ma tu tonga-tonga ni parbandaran ni parangan Amon i mamorangi halahi. Painte so kotu, madung dibunui halak ni si Saul musu i. Halak Amon na sanga malua masarsar be ma i lopus nada adong tarbaen mardua-dua rap marlojong.

1 SAMUEL 14:3

Malim na maroban efod si Ahiya do, anak ni si Ahitub; i ma anggi ni si Ikabod. Si Ikabod anak ni si Pinehas, jana si Pinehas anak ni si Eli, malim ni Tuhan na di Silo.) Rayat i pe nada adong na umboto na kehe si Jonatan sian i.