1 SAMUEL 14:35 - BIBEL JAMITA NA DENGGAN

³⁵ Jadi dipajongjong si Saul ma langgatan di Tuhan; i ma langgatan na parjolo dipajongjong ia.

1 SAMUEL 14:35 ပူးပေါင်းရင်းမြစ်များ

2 SAMUEL 24:25

Dung i dipajongjong ia ma langgatan disi baen di Tuhan jana dihaulkon ia muse ma haul situtungon dohot haul pardonganan. Maralus do tangiang ni si Daud i dibaen Tuhan, lalu dipadao Tuhan ma bala i sian Israel.

HOSEA 8:14

Dipajongjong halak Israel angka bagas godang hape lupa halahi tu Panompa ni halahi. Dibangun halak Juda angka kota na marbenteng, hape paijuronKu ma api laho manyurbu lopus abis angka bagas godang dohot angka kota ni halahi i.”

2 TIMOTEUS 3:5

Haru pe di sihapataran ringgas halahi mandalankon angka na niaturkon ni ugamo, tapi anggo hagogoon ni ugamo i sandiri nada adong be diboto halahi. Padao ma ho sian angka halak sisongon i.

JAKOBUS 4:8

Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.

HAKIM-HAKIM 21:4

Ancogotna i sogot sajo dope, dipajongjong halak Israel ma sada langgatan disi, lalu dipasahat halahi ma tu Tuhan haul situtungon dohot haul haluaon.

HAKIM-HAKIM 6:24

Lalu dipajongjong si Gideon ma disi sada langgatan jana digoari ia ma i, “Tuhan do mual ni hasonangan.” Laing adong dope langgatan i di Ofra, i ma kota ni halak Abieser.

1 SAMUEL 14:34

Dung i didok ia muse dope tu angka jolma na maroban barita i, “Marserak ma hamu di tonga-tonga ni rayat i jana suru hamu ma halahi marsioban lombuna dohot biri-birina tuson anso disambol di ginjang ni batu on jana dipangan dison; jadi marhite na songon i nada be mangan juhut na marmudar be halahi jana nada be mardosa maradopkon Tuhan.” Laing di borngin i dioban rayat i ma angka na dirampas i jana disambol ma i disi.

1 SAMUEL 7:12

Dung i dibuat si Samuel ma sada batu, dipajongjong ia ma batu i di parbalohan ni Mispa dohot Sen. Didok ia ma, “Diurupi Tuhan do hita sapanjang pardalananta,” – jana digoari ia ma batu i “Eben-Haeser, Batu Pangurupion”.

1 SAMUEL 7:17

Jana sai mulak do ia mangulahi tu Rama. Na gabe hakim ni halak Israel do ia disi jana dipajongjong ia muse sada langgatan di Tuhan.

1 SAMUEL 7:9

Jadi hara ni i, disambol si Samuel ma sada anak ni biri-biri lalu ditutung ia ma i himpal-himpal songon haul tu Tuhan. Dung i martangiang ma ia anso ditolong Tuhan halak Israel, jana tulus do antong tangiangnia i.