1 SAMUEL 14:28 - BIBEL JAMITA NA DENGGAN

²⁸ Dung i adong ma sada halak tentara i na mandok tusia, “Anggo hami ma gale-gale hara ni malena. Hape diancam amanta hamu do hami dohot sumpa on, ‘Hona bura ma sanga ise na mangan di ari sadari on.’ ”

1 SAMUEL 14:28 ပူးပေါင်းရင်းမြစ်များ

1 SAMUEL 14:24

Di ari i, anggo halak Israel nada margogo be hara ni malena, angke madung disumpahon si Saul songon on, “Hona bura ma sanga ise na mangankon bagi aha di ari sadari on painte so palalu hosom au tu musungku.” Jadi hara ni i, umpe sahalak na mangan di na sadari i.

1 SAMUEL 14:27

Tapi anggo si Jonatan nada diboto ia na dung diancam ni amangnia do rayat i dohot bura; jadi disurduhon ia ma tungkot na niobannia i, jana disornomkon ia ma i tu asar ni loba i, lalu dibuat ia aerna i, dipangan ia. Manigor margogo ma dihilala ia.

1 SAMUEL 14:29

Dialusi si Jonatan ma, “Ma salputu do antong pambaen ni amangki maradopkon bangsonta! Ligi ma, margogo do au dung hupangan saotik aer ni loba i.

1 SAMUEL 14:43

Dung i didok si Saul ma tu si Jonatan, “Aha lakna dibaen ho?” Dialusi si Jonatan ma, “Na hudai do saotik aer ni loba dohot ujung ni tungkotku; rade do au mate.”