1 SAMUEL 14:24 - BIBEL JAMITA NA DENGGAN

²⁴ Di ari i, anggo halak Israel nada margogo be hara ni malena, angke madung disumpahon si Saul songon on, “Hona bura ma sanga ise na mangankon bagi aha di ari sadari on painte so palalu hosom au tu musungku.” Jadi hara ni i, umpe sahalak na mangan di na sadari i.

1 SAMUEL 14:24 ပူးပေါင်းရင်းမြစ်များ

MASMUR 18:47

Ia do mamaloskon hajahatan ni musungku, bope na pataluhon angka bangso di jolongku.

PODA 11:9

Disegoi hata ni halak parjahat do donganna jolma, tapi dipalua habisuhon do halak partigor.

HAMALIMON 27:29

Haru jolma na nilehen nada tola ditobus, pasti do ia dibunu.

HAMALIMON 5:4

Muda adong sahalak na marsala hara ni na marsumpa sembarangan taringot tu na mangkarejohon bagi aha pe, dung i diboto ia pambaenannia i dipudi, marsala ma ia disi.

BILANGAN 21:2

Dung i marniet ma halak Israel, ninna halahi ma tu Tuhan, “Muda dilehen Ho hamonangan di hami mangalo halahi, haulkononnami ma sude kota ni halahi tu Ho, jana roncohononnami ma halahi.”

BILANGAN 5:21

Tuhan ma mambaen goarmu gabe sada bura di tonga-tonga ni bangsomu, hesut ma hae-haemu jana busungon ma ho.

SURAT NI SI PAULUS TU PARLAGUTAN ROM 10:2

Dibaen husaksihon do taringot tu halahi, na ringgas do halahi di Debata, tapi nada dohot roha na mangastui.

1 KORINTUS 16:22

Sanga ise na so manghaholongi Tuhan Jesus, padiar ma diuhumi Debata ia. Maranatha – sigop ma Ho ro, Tuhan!

JOSUA 6:26

Diparuar si Josua do di hatiha i larangan songon on, “Sanga ise na mancubo giot mambangun kota Jeriko on mangulahi, hona bura ni Tuhan do i. Sanga ise na mamayakkon ojahanna gabe agoan anak siangkaan; jana sanga ise na mamasang angka pintu ni horbanganna i gabe agoan anak sianggianna.”

HAKIM-HAKIM 1:28

Tutu nian dung mur martamba gogo halak Israel, dipaksa halahi do halak Kanaan i markarejo di halahi, tapi laing na so dipaorot halahi do angka halak Kanaan i sian i.

HAKIM-HAKIM 5:2

Puji Tuhan! Marsumpa do Israel laho marjuang; sian ias ni rohana kehe rayat i marporang.

1 SAMUEL 14:25

Jadi lalu ma halahi di sada harangan jana dapot halahi ma disi bahat sajo aer ni loba,

1 SAMUEL 14:39

Marjanji do au mangasahon Tuhan na mangolu i na dung mangalehen hamonangan tu Israel, bahaso angkon marutang hosa sanga ise na marsala haru pe i si Jonatan anakki.” Tapi sahalak pe nada adong na puluk mangalusisa.

1 SAMUEL 18:25

jana disuru si Saul ma halahi mandok tu si Daud, songon on, “Hum saratus do sibur-sibur ni halak Pilistin dipangido roha ni raja i songon bolina, i ma na songon palalu hosom tu musu ni raja i.” (On ma sangkap ni si Saul laho pasahatkon si Daud tu halak Pilistin.)