1 SAMUEL 14:13 - BIBEL JAMITA NA DENGGAN

¹³ Martugarang ma si Jonatan diihutkon doli-doli i tu ginjang. Sanga na di dia muldop si Jonatan, disi muse ma halak Pilistin tinggang hona pukul dibaen ia, jana di pudinia manigor dibunu doli-doli i ma halahi.

1 SAMUEL 14:13 ပူးပေါင်းရင်းမြစ်များ

MASMUR 18:29

Markite pangurupiMu hutaluhon musu marparangan, jana hubolus benteng partahanan.

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

PANGARATAION 28:7

Muda ro musu mamorangi ho, taluhonon ni Tuhan ma halahi. Sian sada dalan do halahi ro mamorangi, tapi maporus ma halahi sian ho tu pitu dalan.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

IBRANI 11:34

Diintopi halahi do api na godang. Malua do halahi marlojong sian baba ni podang. Gale do nian halahi, tapi gabe margogo; mur margogo dope tehe di parporangan, lopus tartaluhon halahi angka parangan ni bangso na asing.

JOSUA 23:10

Ganop halak sian tonga-tongamunu tolapsa do manaluhon marribu halak, angke Tuhan Debatamunu do antong na marporang di hamu, laing songon na nijanjihonNa i.

HAKIM-HAKIM 9:54

Diompoti si Abimelek ma mamiohon doli-doli na mamorsan sinjatania i jana didok ia ma, “Sintak ma podangmi jana bunu ma au; nada ra au muda adong na mandok bahaso na dibunu ni dadaboru au.” Gabe ditiham doli-doli i ma ia lopus mate.

1 SAMUEL 14:12

Dung i pio-pio ma halahi tu si Jonatan dohot tu naposonia i, “Manangkok ma hamu tuson! Adong na giot patidahononnami tu hamu!” Dung i didok si Jonatan ma tu doli-doli i, “Ihutkon ma au, harana na dung dipasahat ni Tuhan do halahi tu Israel.”

1 SAMUEL 14:14

Di na mangaroro parjolo i, hona bunu si Jonatan dohot doli-doli i do hira-hira dua pulu halak di tano saparopat hektar bidangna.