1 SAMUEL 13:9 - BIBEL JAMITA NA DENGGAN

⁹ Jadi gabe didok ia ma tu halahi, “Oban hamu ma tuson haul situtungon dohot haul pardengganan i.” Lalu ia sandiri noma manghaulkon haul situtungon i.

1 SAMUEL 13:9 ပူးပေါင်းရင်းမြစ်များ

2 SAMUEL 24:25

Dung i dipajongjong ia ma langgatan disi baen di Tuhan jana dihaulkon ia muse ma haul situtungon dohot haul pardonganan. Maralus do tangiang ni si Daud i dibaen Tuhan, lalu dipadao Tuhan ma bala i sian Israel.

1 RAJA-RAJA 3:4

Di Gibeon do langgatan pamelean na umbonggal. Jotjot do si Salomo manghaulkon haul disi. Di na sadari kehe ma ia tusi, dihaulkon ia ma saribu haul di langgatan na disi.

MASMUR 37:7

Pasonang ma rohamu paintehon Tuhan, sobar ma ho paima-imahon lopus dibaen Ia tindakan. Ulang mangiburu mida halak na mardohar, na mandapot hara ni na paoto-otohon.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 20:22

Ulang nibaloskon hajahatan. Nihaporsayaan ma Tuhan, anso Ia paturehon.

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

PODA 21:3

Sumonang do roha ni Tuhan mida hatigoran dohot hatutuan ni pambaenanmu, ulang pado sasude na nihaulkonmu.

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

PANGARATAION 12:5

Sian sude luat na masuk tu angka marga ni Israel, pilion ni Tuhan ma sada inganan maribadat di bangsonta anso tarbaen hita ro tu adopan ni Tuhan laho manyomba Ia.

PANGARATAION 12:6

Angkon tu inganan i ma obanonmunu angka haul situtungon dohot angka haul na asing, haul parsampuluan maradu angka haul na asing, haul panggarar ni haulmu haul sian na nionjar ni rohamunu dohot lombu sanga biri-biri na parjolo sorang.

1 SAMUEL 14:18

“Oban ma efod i tuson,” ning si Saul tu Malim Ahia. (Di jolo ni halak Israel do dioban si Ahia di ari i, efod i.)