1 SAMUEL 13:5 - BIBEL JAMITA NA DENGGAN

⁵ Laing marlagut muse ma di hatiha i halak Pilistin laho mamorangi halak Israel; adong do tolu pulu ribu kareta porang ni halahi, onom ribu halak na markudo, jana angka parajurit songon bahat ni horsik na di topi ni laut. Kehe ma halahi marbandar di Mikmas di Habincaran ni Bet-Awen.

1 SAMUEL 13:5 ပူးပေါင်းရင်းမြစ်များ

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

2 SAMUEL 17:11

Jadi anggo au mandok songon on do: Palagut ma sude halak Israel sian Dan lalu tu Berseba, lopus songon horsik na di topi ni laut bahatna. Jadi daulat i sandiri ma mamimpin halahi marporang.

1 RAJA-RAJA 20:27

Halak Israel pe mangatur barisanna ma jana ruar ma halahi laho marporang. Dibaen halahi ma dua bagian pasukan i, jana dibaen bandarna paadop-adop dohot halak Siria i. Muda dipartimbangkon do nian tu bahat ni tentara Siria na sap manggohi luat i, gabe tarsongon dua hulanan biri-biri do idaon pasukan ni Israel i.

2 JUJUR TAON 1:9

Saonnari, ale Tuhan Debata, sai patulus ma baga-bagaMu tu damang i. Madung diangkat Ho au gabe raja di ginjang ni bangso na godang na so taretong be bahatna.

JESAYA 10:28

Madung dirampas tentara ni Asur kota Ajat! Madung disalpui halahi Migron! Di Mikmas do ditadingkon halahi bohal haporluanna!

JESAYA 48:19

Angke pomparanmu angkon songon horsik, jana turunanmu songon horsik bahatna; goar ni halahi nada diagohon sanga diparsoada sian jolongKu.”

JEREMIA 15:8

Gok ma na mabalu di tanomunu umbahat sian horsik na di topi ni laut. ParoonKu ma tu angka ina dohot na poso pambunu di tonga ari. Ompot Huparo tu halahi biar dohot hagogotan.

HOSEA 10:5

Mabiar ma halak Samaria; marsak jana tangis ma halahi dohot angka malim na mangkobasi lombu sere na di Bet-Awen i hara ni parmago ni hajagaron ni gana-ganaan ni halahi.

HOSEA 4:15

Ale hamu halak Israel, haru pe nada unduk hamu tu Au, sai ulang ma nian dohot Juda mambaen hasalaan na nibaenmunu i! Ulang maribadat di Gilgal sanga di Bet-Awen. Ulang baen hamu janji disi mangasahon goar ni Tuhan na mangolu i.

HOSEA 5:8

Palu ma sarune di Gibea! Baen ma tanda ni pio-pio marporang di Rama! Surakkon ma surak-surak parporangan di Betel! Maju ma marporang, hamu halak Benyamin!

SURAT NI SI PAULUS TU PARLAGUTAN ROM 9:27

Torang do didok Panurirang Jesaya taringot tu halak Israel, “Haru pe sabahat ni horsik na di topi ni laut bilangan ni bangso Israel, hum saotik do i sipaluaon;

JOSUA 11:4

Jadi marroan ma angka raja-raja i rap dohot tentarana be na songon i bahatna jabat songon bahat ni horsik na di topi ni laut. Kudona pe dohot kareta porang ni halahi sun bahatna.

JOSUA 18:12

Sabola Utara, mamungka ma batas ni tano ni halahi di Batang aek Jordan, manangkok ma i di pat ni dolok di Utara ni Jeriko, dung i tu Hasundutan manyalpui luat partoran lopus tu luat Halongonan Bet-Awen.

JOSUA 7:2

Na disuru si Josua do di hatiha i piga-piga halak sian Jeriko tu Ai, i ma sada kota di Habincaran ni Betel, na di lambung ni Bet-Awen. Na disuru do halahi kehe laho manangkasi luat i. Dung sidung dipadalan halahi karejo i,

HAKIM-HAKIM 7:12

Marserak do sap di rura i halak Midian, Amalek dohot angka halak na sian parhorsihan i, songon dia ma siapor na marrongom idaon. Unto ni halahi pe santak bahatna, songon horsik na di topi ni laut idaon.

1 SAMUEL 13:11

tapi marsapa ma si Samuel, “Aha dehe na nibaen ni raja i?” Dialusi si Saul ma, “Huida madung mamungka ditadingkon rayat i au, hape laing nada ro amang di hatiha na dung ditontuhon. Boti muse madung marlagut halak Pilistin di Mikmas.

1 SAMUEL 13:2

dipili ia ma tolu ribu halak, jana dua ribu ma i tinggal dohot ia di Mikmas dohot di luat partoran Betel, anggo na saribu nari kehe ma i dohot si Jonatan anaknia i tu Gibea, na di luat ni Marga Benyamin. Rayat lobina i dipaloas ia ma mulak tu bagasna be.

1 SAMUEL 14:23

Marporang ma halahi saginjang ni dalan lopus salpu Bet-Awen. Dipalua Tuhan ma Israel di ari i.

1 SAMUEL 14:52

Salolot di ngolu ni si Saul sai marporang marsitutu do ia mangalo halak Pilistin. Jadi hara ni i ma, muda diida si Saul halak na gogo sanga na barani, manigor dibaen ia do i gabe tentarania.

1 SAMUEL 17:1

Sanoli dijujui halak Pilistin ma tentarana anso maju marporang. Diatur halahi ma barisan ni halahi di Soko, di tonga-tonga ni luat ni Juda jana dibaen halahi ma parbandaran ni halahi di antara ni Soko dohot Aseka di Efes Damim.

1 SAMUEL 7:13

Songon i ma pangalahona talu halak Pilistin jana nada dipatola Tuhan halahi masuk tu tano ni halak Israel. Salolot mangolu si Samuel, na so jungada do monang halak Pilistin maralohon halak Israel.