1 SAMUEL 13:23 - BIBEL JAMITA NA DENGGAN

²³ Dibaen halak Pilistin do sada benteng laho mampartahankon rigang ni dolok na di Mikmas.

1 SAMUEL 13:23 ပူးပေါင်းရင်းမြစ်များ

2 SAMUEL 23:14

Tinggal di Rura Refaim do halak Pilistin jana deba tentara i sian halahi mangingani Betlehem.

JESAYA 10:28

Madung dirampas tentara ni Asur kota Ajat! Madung disalpui halahi Migron! Di Mikmas do ditadingkon halahi bohal haporluanna!

JESAYA 10:29

Madung disalpui halahi panariparan jana marborngin halahi di Geba! Humitir ma halak Rama jana halak Gibea kota ni Raja Saul madung markehean marsipalua dirina.

1 SAMUEL 13:5

Laing marlagut muse ma di hatiha i halak Pilistin laho mamorangi halak Israel; adong do tolu pulu ribu kareta porang ni halahi, onom ribu halak na markudo, jana angka parajurit songon bahat ni horsik na di topi ni laut. Kehe ma halahi marbandar di Mikmas di Habincaran ni Bet-Awen.

1 SAMUEL 14:1

Sanoli didok si Jonatan ma tu doli-doli sioban sinjatania, “Beta, kehe ma hita tu benteng ni Pilistin na di bariba an!” Hape nada mangido isin ia jolo sian amangnia i.