1 SAMUEL 13:2 - BIBEL JAMITA NA DENGGAN

² dipili ia ma tolu ribu halak, jana dua ribu ma i tinggal dohot ia di Mikmas dohot di luat partoran Betel, anggo na saribu nari kehe ma i dohot si Jonatan anaknia i tu Gibea, na di luat ni Marga Benyamin. Rayat lobina i dipaloas ia ma mulak tu bagasna be.

1 SAMUEL 13:2 ပူးပေါင်းရင်းမြစ်များ

2 SAMUEL 20:1

Di kota Gilgal adong ma sada bayo panggaori si Seba goarna. Anak ni si Bikri do i sian Marga Benyamin. Dompak na ro angka na mangudurkon si Daud, dipalu si Seba ma sarune jana manggora-gora ma ia, “Nada adong parsambunganta dohot si Daud. Tu ahanta ma mangihutkon ia? Jo hamu halak Israel, beta mulak be hita!”

2 SAMUEL 21:6

Antong pasahat ma tu hami pitu halaklahi sian pomparannia anso hami gantung di adopan ni Tuhan di Gibea, kota ni Raja Saul i sandiri.” “Antong denggan,” ning raja i, “hupasahat pe halahi.”

2 SAMUEL 23:29

Si Heleb anak ni si Baana halak Netofa; si Itai anak ni si Ribai Marga Benyamin halak Gibea.

NEHEMIA 11:31

Deba sian Marga Benyamin maringanan do di Geba, Mikmas, Aya, Bet-El dohot di angka huta na di lambungna i,

JOSUA 18:28

Zela, Elep, Jebus (i ma Jerusalem), Gibea dohot Kiryat-Jearim. Opat bolas kota sudena dohot angka luatna. Angka i ma tano na dilehen tu ripe sian Marga Benyamin na gabe bagian ni halahi.

JOSUA 22:6

Dung i disuru si Josua ma halahi mulak jana dipasupasu ia. Jadi mulak ma halahi tu parbandaranna.

HAKIM-HAKIM 19:12

Tapi dialusi tuanna i ma, “Nada! Nada maradian hita di kota na so halak Israel pangisina, tapi giot lalu noma hita tu Gibea.

1 SAMUEL 10:26

Si Saul pe mulak ma tu bagasnia di Gibea, na nidonganan ni piga-piga halak na barani boti na dung dionjar ni Tuhan rohana mandongani si Saul.

1 SAMUEL 10:5

Dung salpu i angkon kehe do ho tu dolok ni Debata na di Gibea, inganan parbandaran ni halak Pilistin. Di pintu masuk laho tu kota i, marsuo ma ho dohot panurirang sarombongan na manuat sian langgatan na di ginjang dolok i. Manortori do halahi jana marsurak-surak, mamalu gambus, rapano, suling dohot hasapi.

1 SAMUEL 13:1

Dung gabe raja si Saul,

1 SAMUEL 13:11

tapi marsapa ma si Samuel, “Aha dehe na nibaen ni raja i?” Dialusi si Saul ma, “Huida madung mamungka ditadingkon rayat i au, hape laing nada ro amang di hatiha na dung ditontuhon. Boti muse madung marlagut halak Pilistin di Mikmas.

1 SAMUEL 13:15

Dung i kehe ma si Samuel sian Gilgal jana dipatorus ia ma pardalanannia tu Gibea na di Luat Benyamin. Si Saul pe dipareso ia ma parangannia, onom ratus halak bahatna.

1 SAMUEL 13:16

Songon i ma si Saul dohot si Jonatan anaknia i dohot anak bua ni halahi i marbandar di Geba na di Luat Benyamin; tapi anggo halak Pilistin marbandar di Mikmas do.

1 SAMUEL 13:23

Dibaen halak Pilistin do sada benteng laho mampartahankon rigang ni dolok na di Mikmas.

1 SAMUEL 13:5

Laing marlagut muse ma di hatiha i halak Pilistin laho mamorangi halak Israel; adong do tolu pulu ribu kareta porang ni halahi, onom ribu halak na markudo, jana angka parajurit songon bahat ni horsik na di topi ni laut. Kehe ma halahi marbandar di Mikmas di Habincaran ni Bet-Awen.

1 SAMUEL 14:31

Di ari i talu do halak Pilistin dibaen halak Israel dung marporang saginjang ni dalan na sian Mikmas lopus tu Ayalon. Hape dung salpu i songon i ma lojana,

1 SAMUEL 14:5

Batu mamak sabola Utara i mangadop tu Mikmas jana na sabola Selatan mangadop tu Geba.

1 SAMUEL 14:52

Salolot di ngolu ni si Saul sai marporang marsitutu do ia mangalo halak Pilistin. Jadi hara ni i ma, muda diida si Saul halak na gogo sanga na barani, manigor dibaen ia do i gabe tentarania.

1 SAMUEL 15:34

Dung salpu i kehe ma si Samuel tu Rama, jana si Saul pe mulak noma tu bagasna di Gibea.

1 SAMUEL 24:3

Manigor dipili si Saul ma tolu ribu tentara na dumenggan sian sude Israel, lalu kehe ma i manjalahi si Daud dohot parangannia i di Habincaran ni Dolok Batu Hambeng Harangan.

1 SAMUEL 26:2

Jadi manigor kehe ma si Saul rap dohot tolu ribu halak tentara na dumenggan di Israel mandapotkon Halongonan Zip laho manjalahi si Daud.

1 SAMUEL 8:11

“Songon on ma baenon ni rajamunu i tu hamu,” songon i ma dipatorang si Samuel, “Paksaonna ma angka dakdanakmunu masuk tentara; deba ma i gabe parangan na markareta, deba gabe parangan na markudo, jana na asing i gabe parangan na mardalan pat.