1 SAMUEL 12:3 - BIBEL JAMITA NA DENGGAN

³ Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”

1 SAMUEL 12:3 ပူးပေါင်းရင်းမြစ်များ

2 SAMUEL 22:22

Huoloi do parenta ni Tuhanku, jana na so unjung marbalik au sian Debatangku.

NEHEMIA 5:11

Sesahon hamu ma antong angka utang ni rayat i tu hamu, bope na marrupa hepeng sanga na gandum, bope anggur sanga miak zetun. Manigor paulak hamu ma ladang, kobun anggur, kobun zetun dohot bagas ni halahi!”

MASMUR 15:5

jana painjamkon hepeng so marbunga; na so giot manjagit hepeng suap laho mangarugi i halak na so marsala. Halak na mambaen songon i tongtong sonang nada adong manyusai.

HARURUAR 20:17

Ulang impol rohamu di bagas ni donganmu jolma; ulang impol rohamu di dadaborunia, bope naposona bope lombuna bope halodena, bope di sanga aha nampuna ni donganmu jolma.”

HARURUAR 23:8

Ulang jagit hamu hepeng sisip, angke gabe mapitung do halak tu na tigor baenon ni hepeng sisip jana mangarugihon do i diparkaro ni angka halak na so marsala.

PODA 15:27

Ro ma hasusaan tu keluarga ni halak na mambaen korupsi, tapi mangolu do sanga ise na margoyak ni roha di hepeng suap.

HAMALIMON 6:4

Angkon gararonnia do mulak sanga aha na dapotnia sian dalan na so tigor. Muda tardapot sahalak marsala hatiha dibaen ia hasalaan i, angkon gok do gararonnia tu nampuna i ditamba muse dope duapulu porsen.

BILANGAN 16:15

Muruk sajo ma si Musa gabe ning ia ma tu Tuhan, “Tuhan, ulang jagit angka silehen-lehen na nihaulkon ni halak on. Nada jungada hurugii sada halak pe sian halahi, sanga halode pe nada jungada hubuat sian halahi.”

MATEUS 22:21

“Kesar i,” ning halahi mangalusi. Dung i didok Jesus ma tu halahi, “Antong garari hamu ma tu Kesar i sanga aha nampuna ni Kesar i, jana garar muse ma tu Debata sanga aha nampuna ni Debata.”

LUKAS 19:8

Jongjong ma si Zakeus didok ia ma tu Tuhan i, “O Tuhan, satonga sian artangku hulehen ma tu halak na pogos; jana sanga ise na unjung hutipu, hugarar pe mangulahi tusia opat noli lompit!”

BAENON NI ANGKA RASUL 20:33

Nada jungada dipangido rohangku hepeng bope pakean sanga na sian ise pe.

2 KORINTUS 12:14

Saonnari, patolu noli on ma rade au laho manopot hamu. Jana nada pola susaanku hamu, angke nada sinadonganmunu i na giot di au, tapi dirimunu i do. Harana nada tama muda dakdanakna manjalahi ngolu ni simatobangna, tapi simatobangna do manjalahi balanjo ni angka dakdanakna.

PANGARATAION 16:19

Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.

1 TESSALONIKA 2:10

Hamu do saksinami, songon i dohot Debata, na ias, tigor, jana na so martihas do pangalahonami adop hamu na porsaya.

1 TESSALONIKA 2:5

Tangkas do diboto hamu na so jungada hami pake hata lancap sanga na hami tipu hamu anso dapotan untung hami. Debata ma saksina!

1 PETRUS 5:2

anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum hara ni na giot manjalahi labo baen hamu, tapi hara ni situtu ni rohamunu ma mangoloi.

1 SAMUEL 10:1

Dung i dibuat si Samuel ma tanduk na marisi miak zetun, lalu diduruskon ia ma i tu ulu ni si Saul jana diumma ia si Saul lalu didok ia, “Madung dipabangkit Tuhan ho gabe raja ni bangsoNa Israel. Parentaonmu ma bangsoNa i jana ondihononmu halahi maradopkon angka musu ni halahi.” On ma tandana di ho, paboa na dung dipili ni Tuhan ho gabe raja di bangsoNia:

1 SAMUEL 12:4

Dialusi angka jolma i ma, “Nada adong, nada jungada ho amang manipu sanga mamparkanciti hami; nada unjung ho amang mambuat sanga aha nampuna ni sanga ise pe.”

1 SAMUEL 12:5

Dung i didok si Samuel ma, “Di ari sadari on, Tuhan ma saksina dohot raja na nipiliNia i bahaso na so hadapotan au marsala saotik pe.” “Olo, Tuhan ma saksina,” ning halahi mangalusi.

1 SAMUEL 2:35

Dung i todoonKu ma malim na burju tu Au dohot na patuluskon sanga aha na Huparentahon tusia. Sai torus ma markarejo pomparannia songon malim di adopan ni angka raja na Hutodo.

1 SAMUEL 24:11

Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.

1 SAMUEL 24:6

Tapi dung salpu, songon na sala do tu pangkilalaannia dung dibaen ia songon i.

1 SAMUEL 24:7

Didok ia ma tu parangannia i, “Sai Tuhan ma manjagohon ulang jabat tarbaen au na jahat maradopkon rajangku na nipili ni Tuhan i. Saotik pe na so tola do parkancitanku ia, dibaen raja na nitodo ni Tuhan do ia!”

1 SAMUEL 26:11

Sai diantahi Tuhan ma nian au mamunu raja na nipili ni Tuhan i! Tombakna i ma dohot gendina i buat, anso kehe hita!”

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.