1 SAMUEL 12:18 - BIBEL JAMITA NA DENGGAN

¹⁸ Dung i martangiang ma si Samuel jana laing di ari i diparo Tuhan ma ronggur dohot udan. Mabiar be ma sude bangso i tu Tuhan dohot tu si Samuel.

1 SAMUEL 12:18 ပူးပေါင်းရင်းမြစ်များ

1 RAJA-RAJA 18:42

Jadi kehe ma si Ahab mangan jana si Elia kehe ma manangkok tu Dolok Karmel. Manungkap ma ia tu tano, diantara ni dugulnia i ma ulunia.

ESRA 10:9

Dung tolu ari di tanggal dua pulu bulan sambilan, sude halaklahi na maringanan di tano Juda dohot Benyamin marroan ma tu Jerusalem jana marlagut di alaman ni Bagas Ni Tuhan. Ro ma udan na gogo situtu di hatiha i. Humitir ma sude halak hara ni ngalina ari i dohot hara ni pentingna parpunguan i.

JOB 37:13

Dilehen Debata do udan mambornohi tano i; sanga pe laho manguhum jolma i, bolas muse do i laho patidahonsa tu halahi, sanga songon dia hahohot ni holong ni rohaNia na so mantak i.

MASMUR 99:6

Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

HARURUAR 14:31

Dung diida halak Israel ditaluhon Tuhan halak Mesir i markite-hite kuaso na godang, tarhalomong ma halahi tu Tuhan. Porsaya ma halahi tuSia dohot tu si Musa naposoNa i.

JOSUA 10:12

Di ari i, di na nilehen ni Tuhan hamonangan tu halak Israel maradopkon halak Amori, mangkuling ma si Josua tu Tuhan. Jana di adopan ni halak Israel didok si Josua ma, “O, mataniari! Maradian ma ho di ginjang ni Gibeon. Jana ho, bulan! Ulang ho morot sian ginjang ni Rura Ayalon.”

JOSUA 4:14

Dibaen Tuhan ma di ari i angka pangalaho na mambaen bangso Israel manjujung si Josua gabe halak na godang. Dipasangap halahi ma si Josua, salolot mangolu ia songon na diparsangapi ni halahi si Musa.