1 SAMUEL 12:17 - BIBEL JAMITA NA DENGGAN

¹⁷ Pio-pio ma au tu Tuhan, jana haru pe logo ni ari di hatiha on, paroon ni Tuhan ma ronggur dohot udan na gabe songon alus ni tangiangki. Di ombas i, torang ma botoonmunu na godang do hape dosamunu maradopkon Tuhan hara ni na mangido sada raja hamu.”

1 SAMUEL 12:17 ပူးပေါင်းရင်းမြစ်များ

MASMUR 99:6

Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

HARURUAR 32:30

Ancogotna i mandok hata ma si Musa tu bangso i, “Madung mardosa godang hamu, tapi saonnari manangkok ma au mangadop tu Tuhan, betak na tarpatupa dope hadamean patunda ni dosamunu i.”

PODA 26:1

Nada patut halak na bodo dapot pujian; songon udan di logo ni ari dohot salju di ombas na milas.

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JOSUA 10:12

Di ari i, di na nilehen ni Tuhan hamonangan tu halak Israel maradopkon halak Amori, mangkuling ma si Josua tu Tuhan. Jana di adopan ni halak Israel didok si Josua ma, “O, mataniari! Maradian ma ho di ginjang ni Gibeon. Jana ho, bulan! Ulang ho morot sian ginjang ni Rura Ayalon.”

1 SAMUEL 12:13

“Saonnari ligi hamu ma, on ma ibana raja na nipilimunu i. Na nipangidomunu do i, jana madung dilehen Tuhan di hamu.

1 SAMUEL 12:19

Gabe didok halahi ma tu si Samuel, “Tolong ma amang, tangiangkon ma hami on tu Tuhan Debatami, anso ulang mate hami. Saonnari torang ma hami boto, asing sian dosanami, madung mardosa muse hami hape hara ni na mangido sada raja.”

1 SAMUEL 2:10

Maronco angka musu ni Tuhan, mabiar be; mangaronggur Ia sian langit an. Na giot manguhumi ma Tuhan tu sandok tano on. Jana lehenonNia ma kuaso na marmulia tu raja na nitodoNia.”

1 SAMUEL 7:5

Dung salpu i didok si Samuel ma, “Palagut hamu ma sude bangso Israel di Mispa, anso martangiang au tu Tuhan salaho tu hamu.”

1 SAMUEL 8:6

Tapi nada tumbuk di roha ni si Samuel pangidoan ni halahi i. Gabe martangiang ma ia tu Tuhan,

1 SAMUEL 8:7

jana didok Tuhan ma, “Oloi ma sude pangidoan ni bangso i tu ho. Angke nada ho na nitulak ni halahi, tapi Au do. Nada dihagioti halahi be marrajahon Au.