1 SAMUEL 12:15 - BIBEL JAMITA NA DENGGAN

¹⁵ Sabalikna, muda nada ditangihon hamu Tuhan i, mur dialo hamu parentaNa, pasti do aloon ni Tuhan hamu dohot rajamunu i.

1 SAMUEL 12:15 ပူးပေါင်းရင်းမြစ်များ

2 JUJUR TAON 15:2

jadi gabe kehe ma ia mandapotkon Raja Asa, jana didok ia ma, “Ale Raja Asa, dohot sude halak na maringanan di Juda dohot Benyamin! Tangihon ma! Donok do Tuhan tu hamu muda donok hamu tuSia. Muda mangido panogu-noguon hamu tuSia, lehenonNia ma i. Tapi muda nada parduli hamu diSia, Ia pe nada parduli di hamu.

JESAYA 1:20

Tapi muda mangalo do hamu tu Au, pasti mate noma hamu. Au, Tuhan madung mandok i.”

JESAYA 3:11

Marjaya ma halak na jahat! Parmaraan angkon mandondoni halahi. Harana baloshononkon ma tu halahi hombar tu pambaenanna sandiri.

ANDUNG 1:18

Tapi tigor do anggo Tuhan, angke parentaNia do antong na nilaosan. Tangihon ma au, ale angka bangso! Ligi ma au di bagasan pardangolan on. Hona tangkup na poso dohot nauli bulungku, jana dioban tu habuangan.

PANGARATAION 31:27

Huboto do sanga na bia jogal ni roha ni bangso i jana na sai tagi-tagi mangalo. Na dung mangalo do halahi tu Tuhan salolot mangolu au, jana mur mangalo dope i muse dung marujung ngolungku.

HAKIM-HAKIM 2:15

Ganop kehe halahi marporang, Tuhan mangalo halahi, songon na dung dipasingotkon ni Tuhan hian tu halahi. Jadi gabe marhancit situtu ma halahi.

1 SAMUEL 12:9

Hape di pudi ni ari dihalupahon halahi ma Tuhan, Debata ni halahi, jadi hara ni i gabe dipadiar Ia halahi diporangi dohot ditaluhon si Sisera, panglima ni tentara ni Hasor dohot tu halak Pilistin maradu raja ni Moab,

1 SAMUEL 5:9

Tapi di na lalu Poti i disi, diuhum Tuhan ma kota i muse jana masa ma hasonggoton na godang situtu. Hona uhum ma halak kota i na poso sanga na matobang hona ma na baro-baroon na martubuan di pamatang ni halahi.