1 SAMUEL 12:12 - BIBEL JAMITA NA DENGGAN

¹² Tapi di na niidamunu giot ro si Nahas raja ni Amon mamorangi hamu, ditulakkon hamu do Tuhan na gabe rajamunu jana didok hamu tu au, ‘Giotnami, adong ma raja na mamarenta hami.’

1 SAMUEL 12:12 ပူးပေါင်းရင်းမြစ်များ

PAMUNGKAAN 17:7

Paingot-ingotonKu do janjingKu na tu ho dohot tu pomparanmu marsundut-sundut jana hot do janjingKu salolot-lolotna. Au ma gabe Debatamu jana Debata ni pomparanmu.

MASMUR 74:12

Sian mulana laing na Ho do rajanami ale Debata, mulak-ulak do, ale Debata, dipalua Ho hami.

JESAYA 33:22

Sandok perlengkapan na di parau ni halahi i, nada marguna sudena i; nada tarpahirbang angka layarna i! Rampasanta ma sude sinadongan ni musunta, jana hara ni bahatna salang halak na lumpuon pe dapot bagian. Tuhan i sandiri noma na gabe rajanta; mamarenta ma Ia tu hita jana paluaonNia ma hita sian musunta.

JEREMIA 40:11

Hatiha i muse tarbege ma tu halak Israel na maringanan di Moab, Amon, Edom dohot angka luat na asing, bahaso na dung dipaloas raja ni Babel deba halak Israel tinggal di Juda, dohot na dung diangkat ia si Gedalya gabe gubernur.

HOSEA 13:10

Di dia ulaning rajamu, anso dipalua ia ho, dohot sude pamimpinmu anso dilehen ia hatigoran tu ho, ale ho na mandok, “Lehen ma tu au sahalak raja dohot angka pamimpin.

BILANGAN 23:21

Huida ari pangapudian ni Israel na marbungaran; nada hona bala dohot mara Tuhan, i do Debatana. Tudia pe tongtong do dohot Ia. Didok halahi: Ibana do Raja!

HAKIM-HAKIM 8:23

Alus ni si Gideon, “Nada. Nada gabe au pamimpinmunu; dakdanakku pe inda. Tuhan do na gabe pamimpinmunu.”

HAKIM-HAKIM 9:18

Hape sadari on dikhianati hamu ma keluarga ni damang i. Ma dibunu hamu sudena anaknia – pitu pulu halak sanoli mambunu di ginjang ni sada batu. Anak ni damang do si Abimelek sian radingnia. Hape ditabalkon hamu ma i gabe raja ni Sikem, hum patunda ni na adong hubungan parmudaronnia dohot hamu.

1 SAMUEL 10:19

Madung Hupalua hamu sian ragam ni parkancitan dohot pardangolan, hape saonnari madung ditulak hamu Au Debatamunu, harana dipangido hamu do anso Hutodo sada raja di hamu. Antong anggo songon i, marlagut ma hamu di jolongKu, Tuhanmu, mangihutkon horong dohot margamunu.’ ”

1 SAMUEL 8:3

Tapi nada diihutkon halahi pangalaho ni amang ni halahi, hum hauntungan tu dirina sajo do na dipikirkon ni halahi. Manjagit hepeng sogok do halahi jana nada tigor dibaen halahi mamutuskon angka parkaro.