1 SAMUEL 11:7 - BIBEL JAMITA NA DENGGAN

⁷ Hara ni muruknia dibuat ia ma dua lombu lalu digotap-gotap ia marlobong-lobong. Dung i ditongoskon ia ma lobong-lobongna i tu sude tano Israel mardongan parenta songon on, “Sanga ise na so dohot marporang mangihutkon si Saul dohot si Samuel, gotap-gotapon ma lombuna laing songon on!” Mabiar ma bangso Israel betak na aha na giot baenon ni Tuhan, jadi rap dohot ma sude halak nada adong na so dohot.

1 SAMUEL 11:7 ပူးပေါင်းရင်းမြစ်များ

PAMUNGKAAN 35:5

Di na mardalan si Jakob dohot angka dakdanaknia i, digohi biar ma sude halak kota na humaliang i, gabe nada puluk halahi mangkojar si Jakob.

2 JUJUR TAON 14:14

Dung i dironcohon halahi ma angka kota na di luat na humaliang Gerar, harana gabe mabiar do halak na maringanan disi dibaen Tuhan. Dirampasi tentara ni Juda ma sude kota i jana bahat do barang dapot halahi.

2 JUJUR TAON 17:10

Dibaen Tuhan ma sude harajaan na adong humaliang Juda mabiar marporang mangalo Raja Josafat.

2 JUJUR TAON 19:7

Angkon mabiar do hamu tu Tuhan jana jamot-jamot hamu mambaen tindakan, dibaen goyak do roha ni Tuhan mida halak na mambaen hageduhan, na martindak borat sabola sanga na manjagit sogok.”

JESAYA 8:13

Ingot ma, anggo Au Tuhan Na Markuaso, na badia do. Hum Au sajo do angkon sihabiaranmu.

HAKIM-HAKIM 19:29

Dung lalu di bagas, masuk ma ia jana dijalahi ia ma piso, dibuat ia ma bangke ni radingnia i lalu diponggoli ia gabe dua bolas ponggol. Dung sidung i, ditongoskon ia ma ponggol-ponggolna i tu bangso Israel na dua bolas marga i, samponggol be.

HAKIM-HAKIM 20:1

Jadi marroan ma sude halak Israel sian Dan di Utara lopus tu Berseba di Selatan, dohot sian Gilead di Habincaran laho mangoloi pio-pio i. Marlagut ma halahi jana marsada di Mispa di adopan ni Tuhan.