1 SAMUEL 11:6 - BIBEL JAMITA NA DENGGAN

⁶ Umbege i manigor digohi Tondi Ni Debata ma si Saul, jana tarrimas situtu ma ia.

1 SAMUEL 11:6 ပူးပေါင်းရင်းမြစ်များ

HARURUAR 32:19

Jana dung donok ia tu parbandaran i, diida ia ma anak ni lombu i dohot halak na manortori, gabe muruk sajo ma si Musa; didanggurkon ia ma batu si dua lambar i sian tangannia jana ditaporkon ia ma tu pat ni dolok i.

BILANGAN 12:3

Sada halak na toruk roha do si Musa, tumoruk do rohania sian sude jolma na adong di ginjang tano on.)

MARKUS 3:5

Marsak ma Jesus hara ni pir ni roha ni halahi. Jadi muruk ma Jesus marnida halahi na humaliang i, didok Ia ma tu bayo i, “Pahortang ma tanganmi!” Dipahortang ia ma tangannia i dung i gabe malum ma.

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

HAKIM-HAKIM 11:29

Dung i dirajai Tondi Ni Tuhan ma si Jefta. Jadi kehe ma si Jefta manopot Luat Gilead dohot Manase, dung i mulak ma ia tu Mispa na di Gilead. Sian i dipatorus ia ma pardalanannia tu luat ni bangso Amon.

HAKIM-HAKIM 13:25

jana taran di parbandaran ni Marga Dan na di antara ni Zora dohot Estaol ia, mamungka ma dilehen Tondi Ni Tuhan hagogoan tusia.

HAKIM-HAKIM 14:6

Tompu ma gabe margogo si Simson dibaen kuaso ni Tuhan, jadi disibak-sibak ia ma singa i dohot tangannia, songon dia ma hambeng dibaen ia singa i. Anggo tu amangnia dohot inangnia nada dicaritohon ia salaho tusi.

HAKIM-HAKIM 15:14

Dung lalu ia di Lehi, marlojongi ma angka halak Pilistin i mandapoti ia marsurahi tusia. Tompu ma ia gabe gogo dibaen kuaso ni Tuhan. Dipargotapkon ia ma songon i angka tali panambatnia i songon dia ma rupani tali na mosok.

HAKIM-HAKIM 3:10

Digohi Tondi Ni Tuhan ma si Otniel, jadi gabe pamimpin ni halak Israel ma ia. Kehe ma ia marporang, gabe dilehen Tuhan ma hamonangan tusia maralohon raja ni Mesopotamia i.

HAKIM-HAKIM 6:34

Tapi si Gideon pe dirajai Tondi Ni Tuhan ma, gabe diombus ia ma sarune laho marpio angka halak na sian Marga Abieser anso ro marlagut dohot ia.

1 SAMUEL 10:10

Di na lalu si Saul dohot pangoloinia di Gibea, ro ma panurirang sarombongan mandapotkon halahi. Laing di hatiha i muse ma dirajai Tondi Ni Debata si Saul, diihutkon ia ma tortor dohot surak-surak ni angka panurirang i.

1 SAMUEL 10:6

Di hatiha i muse ma ho rajaan ni Tondi Ni Tuhan jana ihutkononmu ma tortor dohot surak ni halahi i, jana dilehen ma di ho roha na imbaru lopus gabe asing.

1 SAMUEL 16:13

Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.

1 SAMUEL 16:14

Dung i ditadingkon Tondi Ni Tuhan ma si Saul, jana diparkanciti tondi na jahat na nisuru ni Tuhan ma ia.