1 SAMUEL 11:2 - BIBEL JAMITA NA DENGGAN

² Dialusi si Nahas ma, “On ma saratna anso ra au mambaen parjanjian, ‘Pulsikkononku ma sude mata siamunmunu songon habilean maradopkon sude Israel!’ ”

1 SAMUEL 11:2 ပူးပေါင်းရင်းမြစ်များ

PAMUNGKAAN 34:14

Didok halahi ma tu na dua i, “Maila ma hami muda hami isinkon ibotonami i marbagas dohot halak na so marsunat dope.

2 RAJA-RAJA 18:31

Ulang patangi-tangi hamu si Hiskia. Au raja Asur mamarentahon tu hamu anso ruar hamu sian kota i, menyerah ma hamu. Panganonmunu ma muse batu ni anggur sian kobunmunu sandiri, hatonggihononmunu ma batu ni anggur sian suan-suananmunu sandiri, jana inumonmunu ma aek sian sumurmunu sandiri,

MASMUR 44:13

Diida hombarnami do na nibaenMu tu hami, dipacia-cia jana dipartatai halahi ma hami.

HARURUAR 3:6

Didok Debata ma muse, “Au do Debata ni ompumu, Debata ni si Abraham, si Ishak dohot si Jakob.” Gabe ditutupi si Musa ma bohinia, dibaen biarnia marnida Debata.

PODA 12:10

Halak na denggan manghaholongi pahan-pahananna; halak na jahat mamparhancitisa.

JEREMIA 39:7

Dung i dipulsikkon ma mata ni si Zedekia, dirante lalu dioban ma ia tu Babel.

BILANGAN 16:14

Madung tangkas, nada na giot obanonmu hami tu tano na napu, sanga pe mangalehen di hami angka ladang dohot kobun anggur gabe nampunanami, hape saonnari ditipu ho hami, nada ra hami ro!”

HAKIM-HAKIM 16:21

Gabe ditangkup halak Pilistin ma ia jana diholuk anak ni matana i. Dioban halahi ma ia tu Gasa jana ditambat halahi ma ia dohot rante tumbaga lalu dipamasuk ma tu bagasan hurungan. Disuru ma ia disi markarejo manggiling.

1 SAMUEL 11:10

Didok halahi ma tu si Nahas, “Ancogot ma hami sahat tu ho, disi pe roha-rohamu ma baen tu hami.”

1 SAMUEL 12:12

Tapi di na niidamunu giot ro si Nahas raja ni Amon mamorangi hamu, ditulakkon hamu do Tuhan na gabe rajamunu jana didok hamu tu au, ‘Giotnami, adong ma raja na mamarenta hami.’

1 SAMUEL 17:26

Dung i marsapa ma ia tu angka halak na jongjong donok tusia, “Aha ma he upa sijagiton ni halak na mamunu halak Pilistin i dohot na manyesa habilean sian Israel?” Ise do lakna halak Pilistin si pelebegu on na barani mangalapi tentara ni Debata na mangolu i.