1 SAMUEL 10:7 - BIBEL JAMITA NA DENGGAN

⁷ Muda tulus na songon i, baen ma sanga aha na didok rohamu denggan, angke didongani Debata do ho.

1 SAMUEL 10:7 ပူးပေါင်းရင်းမြစ်များ

PAMUNGKAAN 21:20

Didongani Debata do si Ismael. Mur magodang ma dakdanak i laing di padang parhorsihan Paran ma ia maringanan jana gabe parburu na utusan ma ia.

2 SAMUEL 7:3

Dialusi si Natan ma, “Dibaen raja i ma sanga na aha giot ni raja i, angke sai didongani Tuhan do antong raja i.”

JOB 31:25

sanga pe huanggarkon hamoraanku.

HARURUAR 4:8

Didok Debata, “Muda so porsaya halahi tu ho, jana nada porsaya halahi di tanda hahomangan na parjolo gabe porsaya ma halahi hara ni tanda hahomangan na paduahon.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

LUKAS 2:12

Songon on ma tandana: Dapot hamu ma disi Dakdanak na baru sorang dibungkus dohot lampin, dipapodom di bagasan palangka ni pahan-pahanan.”

JOHANNES 6:14

Dung diida halak na bahat i hahomangan na nibaen ni Jesus i, ninna halahi ma, “On ma tutu panurirang na giot ro i tu tano on!”

PANGARATAION 20:1

“Muda kehe hamu marporang mangalo angka musumunu, ulang hamu mabiar mida kareta dohot kudo ni halahi na bahat bope na umbahat bilanganna sian hamu. Tuhan Debatamunu do paluahon hamu sian Mesir, laing Ia do mandongani hamu.

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”

JOSUA 1:5

Salolot di ngolumu ale Josua, sada halak pe nada adong na tolapsa manaluhon ho. Angke sai dongananKu do ho songon pandonganingKu di si Musa. Sai na tongtong do ho dongananKu. Nada unjung tadingkononKu ho.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

HAKIM-HAKIM 6:12

Ro ma Surusuruan Ni Tuhan i mandapotkon ia jana didok ma, “O doli-doli na jagar! Rap dohot ho do Tuhan!”

HAKIM-HAKIM 9:33

Ancogot manyogot muda bincar mataniari, ompot ma porangi kota i. Jana muda haruar si Gaal dohot angka halaknia i mangalo ho, i ma hatiha na denggan di ho mangaroro ia!”

1 SAMUEL 2:34

Na gabe tanda paboa na tutu giot tarjadi na Hudokkon i, mate di sada ari ma anakmu na dua i si Hofni dohot si Pinehas.

1 SAMUEL 20:13

Muda na giot agoonna do ho, hupaboa pe tu ho anso tarbaen ho antong paluahon dirimu. Sai dibunu Tuhan ma au muda nada hupatulus i. Sai didongani Tuhan ma ho laing songon pandonganina di amanta najolo!

1 SAMUEL 3:19

Mur magodang ma si Samuel. Didongani Tuhan do ia jana dipatulus do tutu tarjadi sude na nidok ni si Samuel.