1 SAMUEL 10:5 - BIBEL JAMITA NA DENGGAN

⁵ Dung salpu i angkon kehe do ho tu dolok ni Debata na di Gibea, inganan parbandaran ni halak Pilistin. Di pintu masuk laho tu kota i, marsuo ma ho dohot panurirang sarombongan na manuat sian langgatan na di ginjang dolok i. Manortori do halahi jana marsurak-surak, mamalu gambus, rapano, suling dohot hasapi.

1 SAMUEL 10:5 ပူးပေါင်းရင်းမြစ်များ

1 RAJA-RAJA 18:29

Songon i sajo ma halahi lopus potang ari songon dia ma jolma na susur-susuran; hape nada adong na mangalusi, nada adong na mampardulihon.

2 RAJA-RAJA 2:15

Diida panurirang silima pulu halak na sian Jeriko ma ia, jana didok halahi ma, “Pinda do kuaso ni si Elia i tu si Elisa!” Kehe ma halahi mandapotkon ia marsomba di jolonia

2 RAJA-RAJA 2:3

Ro ma sarombongan panurirang na maringanan disi mandapotkon si Elisa jana manyapai, “Diboto ho dehe na giot buaton ni Tuhan di ari on tuanmi jana tinggalkononna ho?” “Olo huboto do i,” ning si Elisa. “Tapi tuk ma i, indangkon be sai tahatai taringot tusi.”

2 RAJA-RAJA 2:5

Ro ma sarombongan panurirang na maringanan disi mandapotkon si Elisa, disapai halahi ma, “Diboto ho dehe na giot buaton ni Tuhan di ari on tuanmi jana tinggalkononna noma ho?” “Olo, huboto do i,” ning si Elisa mangalusi. “Tapi madung i, indangkon be sai tahata-hatai taringot tusi.”

2 RAJA-RAJA 2:7

tu Batang aek Jordan jana mangihut ma tu halahi panurirang lima pulu halak nari. Jadi maradian ma halahi di topi ni batang aek i, jana panurirang silima pulu halak i marjongjongan ma nada sadia dao sian halahi.

2 RAJA-RAJA 3:15

Saonnari oban ma tuson sahalak parhasapi.” Jadi hatiha marhasapi bayo i, digohi Tondi Ni Tuhan ma si Elisa

2 RAJA-RAJA 4:38

Dung i mulak ma si Elisa tu Gilgal di hatiha masa haleon di luat i. Jana di sada hatiha juguk ma angka panurirang di jolonia, mangkuling ma ia tu naposona, “Baen ma huali na gumodang i di ginjang ni api jana lompa ma panganon di angka panurirang i.”

2 RAJA-RAJA 6:1

Sanoli humolos ma angka panurirang na nipasahat tu si Elisa. Didok halahi ma, “Ma sompittu do ingananta on!

1 JUJUR TAON 11:16

Topet hatiha i di bagasan benteng si Daud, hape na dung masuk do tentara ni halak Pilistin tu Betlehem.

1 JUJUR TAON 13:8

tapi anggo si Daud dohot sude bangso Israel i mardalan ma di jolo ni Poti i manortori dohot marendei marsitutu, didongani sora ni hasapi, gambus, gondang, hersek dohot sarune.

1 JUJUR TAON 16:42

Laing si Heman muse do dohot si Jedutun dibaen mangurus sarune, simbal dohot alat musik na asing laho pariburkon angka ende puji-pujian. Angka dongan sahorong ni si Jedutun na deba nari, markarejo ma i laho manjago pintu horbangan.

1 JUJUR TAON 16:5

Si Asap ma dipili gabe kapalana sude jana si Zakaria ma wakilna. Si Jeiel, si Semiramot, si Jehiel, si Matica, si Eliab, si Benaya, si Obed-Edom dohot si Jeiel, i ma na disuru marhasapi, si Asap mamalu simbal,

MASMUR 49:4

Parrohahononku ma hata pandohan, lalu mamiltik hasapi, hupatorang impolana.

MASMUR 92:3

lalu mamiltik gitar sisampulu tali, didongani gambus dohot hasapi.

1 KORINTUS 14:1

Parayak hamu ma mambaen holong ni roha jana tambori hamu ma angka silehen-lehen ni Tondi, tarlobi anso manyurirangi hamu.

1 SAMUEL 10:10

Di na lalu si Saul dohot pangoloinia di Gibea, ro ma panurirang sarombongan mandapotkon halahi. Laing di hatiha i muse ma dirajai Tondi Ni Debata si Saul, diihutkon ia ma tortor dohot surak-surak ni angka panurirang i.

1 SAMUEL 10:4

Tabion ni halahi ma ho jana lehenonna ma di ho dua roti, na angkon sijagitonmu.

1 SAMUEL 13:2

dipili ia ma tolu ribu halak, jana dua ribu ma i tinggal dohot ia di Mikmas dohot di luat partoran Betel, anggo na saribu nari kehe ma i dohot si Jonatan anaknia i tu Gibea, na di luat ni Marga Benyamin. Rayat lobina i dipaloas ia ma mulak tu bagasna be.

1 SAMUEL 13:3

Dung i ditaluhon si Jonatan ma tentara ni Pilistin i di Geba, jana tarbege ma i tu bangso Pilistin. Dung i disuru si Saul ma mamalu sarune di sandok luat laho marpio halak Ibrani anso ro marporang.

1 SAMUEL 19:20

Jadi gabe disuru si Saul ma sanga na piga halak suruannia laho manangkup si Daud. Hape diida halahi ma sarombongan panurirang na manortori jana na rap marsurak-surak, na diuluhon ni si Samuel. Jadi gabe digohi Tondi Ni Debata ma angka suruan ni si Saul i, jana gabe dohot muse ma halahi manortori bope marsurak-surak.

1 SAMUEL 9:12

“Olo, adong,” ning angka bujing-bujing i mangalusi, “apala on dope ia mardalan manjoloi hamu. Sugari hipas hamu, betak na tarkojar hamu dope ia. Na baru ro dope ia tu kota dibaen giot manghaulkon haul sadari on halak di ginjang ni tor i. Anggo kehe hamu saonnari, dapot hamu dope ia painte so kehe ia manangkok tu dolok i laho mangan. Nada mangan angka na diontang anggo so jolo ro ia, harana angkon jolo pasupasuonnia do haul i. Kehe ma hamu saonnari, dapot hamu dope ia disi.”