1 SAMUEL 10:2 - BIBEL JAMITA NA DENGGAN

² Dung kehe ho manadingkon au di ari sadari on, marsuo ma ho dohot dua halak bayo di lambung kuburan ni si Rahel di Zelsah na di Luat Benyamin. Pabotohonon ni halahi ma tu ho, “Ma dapot angka halode na nijalahanmi. Nada sak be roha ni amangmu saonnari taringot tu angka pahan-pahanan i, tapi sai dipupu ia ma mambaen nasa na tarbaen ia anso dapot ho.”

1 SAMUEL 10:2 ပူးပေါင်းရင်းမြစ်များ

PAMUNGKAAN 35:16

Dung i ditadingkon si Jakob dohot rombongannia i ma Betel. Dompak nada sadia dao dope halahi sian Efrata dapot ma hatihana giot hipas si Rahel. Tapi maol do anso sorang dakdanak i.

PAMUNGKAAN 48:7

Hara ni inangmu si Rahel do da hubaen songon i. Sun do arsak ni rohangku di parmonding ni inangmi di Kanaan, nada pola sadia dao sian Efrata, di pardalananku laho mulak sian Mesopotamia. Disi do ia dikuburkon, di topi ni dalan laho tu Efrata.” (Betlehem do diboto halak saonnari Efrata i.)

JEREMIA 31:15

Didok Tuhan ma, “Tarbege do di Rama sora ni andung dohot na holsoan maradu na tangis monggung-onggung. Ditangisi si Rahel do angka dakdanakna, nada haapoan patunda ni anakna na dung soada.

JOSUA 18:28

Zela, Elep, Jebus (i ma Jerusalem), Gibea dohot Kiryat-Jearim. Opat bolas kota sudena dohot angka luatna. Angka i ma tano na dilehen tu ripe sian Marga Benyamin na gabe bagian ni halahi.

1 SAMUEL 10:16

Dialusi si Saul, “Pandoknia anggo angka halode i madung dapot.” Tapi nada dicaritohon si Saul tu tulangnia i na dung dimiahi si Samuel ia gabe raja.