11 Diida angka jolma na mananda ia hian ma sian najolo pangalahonia i, gabe marsisapai ma na sada tu na asing, “Aha dehe na masa tu anak ni si Kis i? Na gabe panurirang muse dehe si Saul?”
Dung i diingot halahi ma, ia do hape pangido-ido sidoka na sai juguk di “Pintu Na Jeges”, na di Bagas Ni Debata i. Homang jana longang ma roha ni halahi marnida na tarjadi i tusia.
Homang ma roha ni angka na marlagut i marnida habaranion ni si Petrus dohot si Johannes, jana diboto halahi muse hape halak na somal do rasul na dua i na so pola marsikola. Dung i diboto halahi ma, hape angka na mangihutkon Jesus do rasul na dua i.
Homang ma sude halak pabege-bege si Saulus. Didok halahi ma, “Nada he on do ibana na di Jerusalem i, na mamunu sude halak na mamio goar ni Jesus? Na niharohonnia pe tuson na giot manangkup halahi do anso obanonnia tu angka sintua ni malim!”
Dung lalu disi, ditanggali ia pakeannia jana manortor ma ia dohot marsurak-surak di jolo ni si Samuel, lopus tinggang tu tano marsaemara sadari i lopus bornginna i. (On ma mula ni pandohan, “Na gabe panurirang dehe dohot si Saul?”)