1 SAMUEL 10:1 - BIBEL JAMITA NA DENGGAN

¹ Dung i dibuat si Samuel ma tanduk na marisi miak zetun, lalu diduruskon ia ma i tu ulu ni si Saul jana diumma ia si Saul lalu didok ia, “Madung dipabangkit Tuhan ho gabe raja ni bangsoNa Israel. Parentaonmu ma bangsoNa i jana ondihononmu halahi maradopkon angka musu ni halahi.” On ma tandana di ho, paboa na dung dipili ni Tuhan ho gabe raja di bangsoNia:

1 SAMUEL 10:1 ပူးပေါင်းရင်းမြစ်များ

2 SAMUEL 1:14

Didok si Daud ma, “Na puluk ma ho antong mamunu raja na nipili ni Tuhan!”

2 SAMUEL 19:39

Dung i ditaripari si Daud ma dohot sude parangannia Batang aek Jordan. Dung i diumma si Daud ma si Barsilai jana dipasupasu ia. Dung i mulak ma si Barsilai tu bagasnia.

2 SAMUEL 20:19

Godang do kota Abelnami on – on ma sada kota na dumame dohot na tigor di tano Israel. Biasi giot roncohonon ni tuan i kota on? Na por dehe rohamu manyegohon tano ni Tuhan?”

2 SAMUEL 5:2

Sian najolo, taran si Saul dope mamarenta hami, laing na raja i do mamimpin rayat ni Israel di parporangan. Boti muse na dung dijanjihon Tuhan do tu raja i, laing na raja i noma na mamimpin bangsona dohot na gabe raja ni halahi.”

1 RAJA-RAJA 1:34

Disi ma diojakkon si Zadok dohot si Natan ia gabe raja ni Israel. Dung i palu hamu ma sarune lalu marsurak, ‘Horas ma di Raja Salomo!’

1 RAJA-RAJA 19:18

Tapi malua do baenonKu pitu ribu halak di Israel, i ma angka halak na tongtong mangoloi Au jana na so jungada marsomba gana-ganaan ni Baal sanga mangummasa.”

2 RAJA-RAJA 20:5

mangulahi mandapotkon si Hiskia raja ni bangso ni Tuhan jana dipalalu ia ma tona on, “Au do Tuhan na nisomba ni ompumu si Daud, madung Hubege tangiangmi jana Huida do ilu ni matami. Hupamalum pe ho; ancogot haduan kehe ma ho tu Bagas Ni Debata.

2 RAJA-RAJA 9:1

Di hatiha i, dipiohon si Elisa ma sahalak sian angka panurirang na poso jana didok ia ma, “Markobas ma ho kehe tu Ramot na di Gilead. Oban ma botol na marisi miak zetun on,

2 RAJA-RAJA 9:12

“Inda, inda hami boto!” ning halahi, “Paboa ma!” Dialusi si Jehu ma, “Na palaluhon tona ni Tuhan do ia, na mandok diangkat Tuhan au gabe raja ni Israel.”

MASMUR 135:4

Ditodo Ia si Jakob baen diSia sandiri halak Israel, dibaen Ia gabe nampunaNia.

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

MASMUR 78:71

Dipiohon do ia sian parmahanan biri-birinia, laho marmahani Israel bangsoNia.

HARURUAR 30:23

“Pulung ma parmasak na dumenggan – onom kilo miak mur, tolu kilo hulim, tolu kilo tobu na huskus,

JEREMIA 10:16

Nada songon angka gana-ganaan i anggo Debata ni si Jakob; Ia do manompa sandok na adong. Tuhan Na Markuaso do goarNia; ditodo Ia do Israel gabe bangsoNa.

JEHESKIEL 16:13

Songon i ma ho mamake barang sere dohot perak, pakeanmu pe na nibaen sian abit linen do dohot sutera na marsulam. Panganonmu pe roti na nibaen sian topung na dumenggan mardongan aer ni loba dohot miak zetun. Na santak ma jogi ni rupamu jana gabe ratu do ho.

HOSEA 13:2

Lopus saonnari laing torus dope mardosa angka halak Efraim i; dipambaeni halahi do angka patung sian perak na nirangrangan ni akal ni jolma jana na nigana ni tangan ni jolma lalu disomba ma i. Didok halahi, “Pelehon ma haul tu angka patung on!” Padiar ma diummai jolma i angka anak ni lombu i!

BAENON NI ANGKA RASUL 13:21

Dung i dipangido halahi ma sada raja. Dilehen Debata ma di halahi si Saul anak ni si Kis sian marga ni halak Benyamin gabe raja ni halahi, opat pulu taon honokna.

PANGARATAION 32:9

Hape anggo pompar ni si Jakob on dipili Tuhan diSia sandiri antong.

1 TESSALONIKA 5:26

Palalu hamu ma tabe tu sude angka dongan markite umma na badia.

IBRANI 2:10

Madung sapatutna nian baenon ni Debata na manompa jana na pangolu sasudena – Jesus gabe sanggam hara ni parkancitanNa i. Jadi hara ni i tarpiohon Jesus do bahat halak anso dohot nipasangap rap dohot Ia. Angke Ia do na mambaen dalan di halahi anso tola dohot nipalua.

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.

1 SAMUEL 12:3

Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”

1 SAMUEL 13:14

Hape anggo saonnari nada martahan raja i mamarenta. Dibaen nada diihutkon raja i parenta ni Tuhan, gabe dipili Tuhan ma halak giot ni rohaNa sibaenon raja di bangsoNia.”

1 SAMUEL 15:1

Sanoli didok si Samuel ma tu si Saul, “Na nisuru ni Tuhan do au mangojakkon raja i gabe raja di Israel bangsoNa i. Jadi patutna ma nian tangihonon ni raja i parenta ni Tuhan Na Markuaso i.

1 SAMUEL 15:17

Didok si Samuel ma, “Inda he na dung gabe pamimpin raja i di angka marga ni Israel, haru pe na so porlu dietong raja i dirina? Na dung dipili ni Tuhan do raja i gabe raja di Israel,

1 SAMUEL 16:1

Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”

1 SAMUEL 16:13

Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.

1 SAMUEL 2:10

Maronco angka musu ni Tuhan, mabiar be; mangaronggur Ia sian langit an. Na giot manguhumi ma Tuhan tu sandok tano on. Jana lehenonNia ma kuaso na marmulia tu raja na nitodoNia.”

1 SAMUEL 24:6

Tapi dung salpu, songon na sala do tu pangkilalaannia dung dibaen ia songon i.

1 SAMUEL 26:11

Sai diantahi Tuhan ma nian au mamunu raja na nipili ni Tuhan i! Tombakna i ma dohot gendina i buat, anso kehe hita!”

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.

1 SAMUEL 8:19

Tapi nada ditangihon bangso i hata ni si Samuel i, mur didok halahi noma, “Padiar ma! Sanga na bia pe por do rohanami marraja.

1 SAMUEL 8:9

Jadi hara ni i, oloi ma na nipangido ni halahi i; tapi tangkas sajo paingot halahi jana patorang sanga na songon dia sanoli on na giot baenon ni raja tu halahi.”

1 SAMUEL 9:16

“Ancogot manyogot tarsongonon arina, suruonKu do sahalak sian Marga Benyamin mandapotkon ho. Miahi ma ia gabe raja di bangsongKu Israel. Paluaonnia ma bangsongKi sian halak Pilistin. Madung Huida sitaonon ni bangsongKu jana madung Hubege partangis ni halahi mangido tolong.”

1 SAMUEL 9:27

Dung lalu halahi di topi ni kota i didok si Samuel ma tu si Saul, “Suru ma pangoloimi mardalan parjolo sian hita.” Jadi kehe ma pangoloi i jana didok si Samuel ma mangulahi, “Maradian ma jolo santongkin dison, giot paboaonku tu ho tona ni Debata.”