1 SAMUEL 1:26 - BIBEL JAMITA NA DENGGAN

²⁶ Dung i didok si Hanna ma tu si Eli, “Santabi amang. Diingot amang dope ulaning au? Au do dadaboru na niida ni amang jongjong dison, topet martangiang tu Tuhan.

1 SAMUEL 1:26 ပူးပေါင်းရင်းမြစ်များ

PAMUNGKAAN 42:15

Songon on ma i, huuji ma jolo hamu: Husumpahon ma mangasahon goar ni raja i, bahaso na so tadingkononmunu luat on anggo so jolo ro tuson anggimunu na sada nari i.

2 SAMUEL 11:11

Dialusi si Uria ma, “Marporang dope tentara ni Israel dohot Juda, jana didongani Poti Parjanjian ni Tuhan do halahi; si Joab panglimanami i dohot angka dongannia na marpangkat-pangkat marbandar di padang-padang i do. Patut ma he songon au mulak tu bagas jana mangan, minum lalu modom dohot dadaboruniba? Hara ni hosa ni raja i dohot hosaniba, nada giot baenonku na songon i!”

2 SAMUEL 14:19

Disapai raja i ma, “Si Joab dehe na marsuru ho?” Dialusi anakboru i ma, “Mangasahon hosa ni raja i, nada tarbaen au mangelak sian sapa-sapa ni rajangku. Tutu do i, na dipaboa ni si Joab do tu au sanga aha na angkon baenonku dohot sidokkononku.

2 RAJA-RAJA 2:2

jadi di tonga dalan didok si Elia ma tu si Elisa, “Dison ma ho; disuru Tuhan do anggo au kehe tu Betel!” Tapi dialusi si Elisa ma, “Mangasahon Tuhan na mangolu i dohot mangasahon hosamu Amang, nada giot tadingkononku ho Amang.” Jadi gabe rap ma halahi manoruskon pardalanan tu Betel.

2 RAJA-RAJA 2:4

Dung i didok si Elia ma tu si Elisa, “Dison ma ho; disuru Tuhan do au tu Jeriko.” Tapi dialusi si Elisa ma, “Hara ni Tuhan na mangolu i bope hara ni ho Amang, nada ra au manadingkon ho Amang.” Jadi gabe rap kehe ma halahi na dua tu Jeriko.

2 RAJA-RAJA 2:6

Dung i didok si Elia ma tu si Elisa, “Dison ma ho; disuru Tuhan do au tu Batang aek Jordan.” Tapi dialusi si Elisa ma, “Hara ni Tuhan na mangolu i, bope hara ni ho Amang, nada giot tinggalkononku Amang.” Jadi kehe ma halahi

2 RAJA-RAJA 4:30

Didok dadaboru i ma, “Amang Elisa! Hara ni Tuhan na mangolu i, bope hara ni hosamu amang, nada hutinggalkon ho amang!” Hara ni i gabe rap kehe ma si Elisa dohot dadaboru i tu bagasnia.

1 JUJUR TAON 4:10

Tapi martangiang ma si Jabes tu Debata na nisomba ni halak Israel, ning ia ma, “O Debata, pasupasu ma au jana sugari pabidang ma nian luat di au. Jagohon ma au jana padao ma parmaraan anso ulang marhancit au.” Jana tulus do tangiangnia i dibaen Debata.

1 SAMUEL 17:55

Di na niida ni si Saul kehe si Daud mangalo si Goliat, disapai ia ma tu si Abner, panglima ni tentarania i, “Anak ni ise do tehe Abner, bayo i?” “Nada huboto rajanami,” ning si Abner mangalusi.

1 SAMUEL 20:3

Dialusi si Daud ma, “Diboto amanta do na holong rohamu tu au. Hara ni i do umbaen na so ra ia paboahon na songon i anggo tu ho anso ulang marsak ho. Sanga na bia pe, mangasahon Tuhan Na Mangolu i, tutu do na hudok on: Gincip noma hosangku!”

1 SAMUEL 25:26

Madung diantahi Debata palalu hosom tuan i dohot mamunu angka musu ni tuan i. Jana saonnari ale tuan, husumpahon ma mangasahon Tuhan na mangolu i, sai songon bagian ni angka musu ni tuan i ma dohot bagian ni sude na sai giot mangagohon ngolu ni tuan i ma bagian ni si Nabal.