1 SAMUEL 1:24 - BIBEL JAMITA NA DENGGAN

²⁴ Dung mantak managuk si Samuel, ditaruhon inangnia ma ia tu Bagas Ni Tuhan di Silo, haru pe laing menek sajo dope ia. Dioban si Hanna muse ma sada lombu jantan na marumur tolu taon, topung sakaleng dohot sada kantongan na gok marisi anggur.

1 SAMUEL 1:24 ပူးပေါင်းရင်းမြစ်များ

PAMUNGKAAN 21:8

Simbur magodang ma dakdanak i, jana di ari pangantakna manyusu dipatupa si Abraham ma horja siriaon.

1 RAJA-RAJA 11:20

Dung i ditubuhon dadaboru ni si Hadad i ma sada anak halaklahi na margoar si Genubat. Ratu i sandiri do pagodang-godangkon dakdanak i jana tinggal di bagas godang do i rap dohot angka dakdanak ni raja i.

MATEUS 13:33

Adong dope umpama na asing dicaritohon Jesus tu halak na bahat i. “Anggo Harajaan Ni Banua Ginjang tarsongon ragi do i. Dibuat anak boru i ma ragi i, dicampurkon ia ma tu topung tolu tabung, lopus kombang sude!”

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

PANGARATAION 16:16

Angkon ro do sude halaklahi ni Israel manyomba Tuhan di inganan paribadatan na sada i tolu noli sataon: Di Ari Pesta Paskah, Pesta Gotilon dohot di Pesta Undung-undung Bulung Rata. Angkon ganop be marsioban haulna,

JOSUA 18:1

Dung dipatunduk halak Israel luat na nijanjihon ni Tuhan i, marlagut ma sude bangso i di Silo; dipasang halahi ma Bandar Parmianan Ni Tuhan.