1 SAMUEL 1:23 - BIBEL JAMITA NA DENGGAN

²³ Dialusi si Elkana ma, “Antong denggan, patulus ma sanga aha na denggan diida ho; di bagas ma ho lopus mantak managuk anakta i. Jana sai tulus ma janjimi dibaen Tuhan.” Jadi laing di bagas ma si Hanna tinggal lopus mantak managuk anaknia i.

1 SAMUEL 1:23 ပူးပေါင်းရင်းမြစ်များ

2 SAMUEL 7:25

“Jana saonnari ale Tuhan Debata, sai lomo ma rohaMu sapanjangna pahotkon janji na nidokMi salaho tu diringku sandiri dohot tu pomparanku, jana sai lomo ma rohaMu patuluskon sanga aha na nijanjihonMi.

1 RAJA-RAJA 3:21

Dung ngot au manyogot i giot pataguk anakki, huida hape na dung mate do. Hupareso, hupatangkas, hape nada i anakki.”

MASMUR 22:9

Ho do na paruar au sian bortian, sian na menek dope au dijago Ho anso sonang.

JESAYA 44:26

Tapi Hupalalu do tahi ni angka naposongKu, songon i nang angka tahi ni suruanKu. Hupaboa do inganan ni pangisimu mangulahi Jerusalem jana pajegeson ma mangulahi angka kota luat ni Juda. Jongjong ma mangulahi angka kota na dung sego i.

BILANGAN 30:12

Tapi muda dirarang halaklahinia do patulusonnia niet sanga janjinia hatiha dibege ia taringot tusi, gabe malua ma dadaboru i sian nietnia. Diampuni Tuhan i do ia, angke dirarang halaklahinia hian do ia, patuluskon nietna.

MATEUS 24:19

Marjaya ma angka ina na topet denggan pamatangna dohot na topet pasusuhon anakna di hatiha i!

LUKAS 11:27

Dung didokkon Jesus songon i, mangkatai ma sada anak boru sian halak na bahat i. Didok ia ma tu Jesus, “Martua ma dadaboru na manubuhon dohot na pasusuhon Ho!”

1 SAMUEL 1:17

Dung i ninna si Eli ma, “Antong anggo songon i do, mulak ma ho dibagasan sonang. Sai dipatulus Debata ni Israel ma nian pangidoanmi.”

1 SAMUEL 14:36

Dung i mandok hata ma si Saul tu parangannia i, “Beta ma taroro mangalo halak Pilistin borngin on lalu tarampasi lopus torang ari jana tabunu halahi sudena.” Dialusi halahi ma, “Dibaen raja i ma, sanga aha na denggan didok roha ni raja i.” Tapi didok malim i, “Jolo tapangido ma da panogu-noguon sian Debata.”

1 SAMUEL 14:40

Dung i didok si Saul ma tu sude bangso Israel, “Hamu sude jongjong sabola adu, jana au dohot si Jonatan jongjong sabola on.” Dialusi halahi ma, “Dibaen raja i ma da sanga dia na denggan didok roha ni raja i.”