1 SAMUEL 1:20 - BIBEL JAMITA NA DENGGAN

²⁰ Denggan ma pamatang ni Hanna jana sorang ma anakna halaklahi. Dibaen ia ma goarna si Samuel, angke didok ia, “Na hupangido do ia sian Tuhan.”

1 SAMUEL 1:20 ပူးပေါင်းရင်းမြစ်များ

PAMUNGKAAN 16:11

Tubuhononmu ma sada anak halaklahi jana goaronmu ma ia si Ismael, angke madung ditangihon Tuhan andung-andungmi.

PAMUNGKAAN 30:22

Jadi diingot Debata ma si Rahel; ditangihon Debata ma pangidoannia jana dipatola Debata ma ia mardakdanak.

PAMUNGKAAN 4:25

Maruli anak dope si Adam dohot dadaborunia sada nari. Ning si Hawa ma, “Dilehen Debata dope baya di au sada nari anak gonti ni si Abel na nibunu ni si Kain i.” I ma umbaen si Set dibaen ia goar ni anaknia i.

PAMUNGKAAN 5:29

Didok si Lamekh ma, “Dakdanak on ma na paluahon hita sian karejonta na dokdok on, i ma na manjama tano na dung niburaan ni Tuhan.” Hara ni i, digoari si Lamekh ma goar ni dakdanak i si Noak.

1 JUJUR TAON 4:10

Tapi martangiang ma si Jabes tu Debata na nisomba ni halak Israel, ning ia ma, “O Debata, pasupasu ma au jana sugari pabidang ma nian luat di au. Jagohon ma au jana padao ma parmaraan anso ulang marhancit au.” Jana tulus do tangiangnia i dibaen Debata.

MASMUR 120:1

Di bagasan hasusaanku pio-pio au tu Ho Tuhan, jana dialusi Ho do au.

HARURUAR 2:10

Dung tuk godang ni dakdanak i, dilehen inangna i ma dakdanak i tu boru ni raja i. Gabe dibaen boru ni raja i ma dakdanak i anak angkatnia. “Hubaen ma goarnia si Musa, angke na hubuat sian aek do ia antong,” ninna boru ni raja i di bagasan rohana.

HARURUAR 2:22

Dung i ditubuhon si Zipora ma sada anak halaklahi. Dibaen ma goar ni dakdanak i si Gersom, angke ninna roha ni si Musa di bagasan, “Halak na leban do au dison.”

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

IBRANI 11:32

Antong, dia dope dokkononku? Tarpaboa au do sudena i tapi nada tuk hatiha di au. Na so hupaboa dope si Gidion, si Barak, si Simson, si Jefta, si Daud, si Samuel dohot angka panurirang i.