1 SAMUEL 1:19 - BIBEL JAMITA NA DENGGAN

¹⁹ Ancogotna i manyogot-nyogot dope, ngot ma si Elkana dohot dongan sabagasnia jana dung salpu maribadat tu Tuhan mulak ma halahi tu Rama. Jana rap ma si Elkana dohot si Hanna dadaborunia i, jana tulus ma dibaen Tuhan tangiang ni si Hanna i.

1 SAMUEL 1:19 ပူးပေါင်းရင်းမြစ်များ

PAMUNGKAAN 21:1

Dipasupasu Debata ma si Sara, songon na nijanjihonNa i.

PAMUNGKAAN 30:22

Jadi diingot Debata ma si Rahel; ditangihon Debata ma pangidoannia jana dipatola Debata ma ia mardakdanak.

PAMUNGKAAN 4:1

Dung i marcampur ma si Adam dohot si Hawa dadaborunia i, jana denggan ma pamatangna. Ditubuhon ia ma sada anak halaklahi jana ning ia ma, “Hara ni panolongi ni Tuhan, maruli do au sada anak halaklahi.” Gabe dibaen ia ma goar ni dakdanak i, si Kain.

PAMUNGKAAN 8:1

Nada dihalupahon Debata si Noak rap dohot sude binatang na adong di bagasan kapal i; mangombus ma alogo dibaen Debata gabe mamungka ma surut aek i.

2 RAJA-RAJA 4:17

Tapi tutu do na nidok ni si Elisa i. Di taon na mangihut, hira-hira di hatiha na sarupa, sorang ma sada anak ni dadaboru i halaklahi.

MASMUR 119:147

Pio-pio do au tu Ho manyogot-nyogot, pos do rohangku di janjiMu.

MASMUR 136:23

Nada dihalupahon Ia hita dompak ditaluhon hita, hot do holong ni rohaNia sapanjangna.

MASMUR 25:7

Sesa ma dosa dohot hasalaan di hatiha haposoonku, ingot ma au, hombar tu holong dohot denggan ni rohaMu.

MASMUR 5:3

O Tuhan, pangidoanku tu Ho muda manyogot sai tangihon ma tangiangku, di na maroban haul au tarpainte do au Tuhan di alusMu.

MASMUR 55:17

Hape humolos do au jana tangis arian dohot borngin, tangihononNia do sorangku.

MARKUS 1:35

Ancogotna i taran golap dope ari, ngot ma Jesus. Kehe ma Ia tu balian tu inganan na lungun. Martangiang ma Ia disi.

LUKAS 23:42

Dung i didok ia ma tu Jesus, “O Jesus ingot ma Au, muda ro Ho saulahon dung gabe Raja!”

JOSUA 18:25

Songon i muse Gibeon, Rama, Beerot,

1 SAMUEL 1:1

Adong ma sada bayo na margoar si Elkana, sian Marga Efraim. Maringanan di kota Rama na di pardolohan Efraim do ia. Si Elkana on i ma anak ni si Jeroham jana pahompu ni si Elihu. Masuk tu horong Tohu jana masuk tu Marga Zup.

1 SAMUEL 1:11

Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”

1 SAMUEL 15:34

Dung salpu i kehe ma si Samuel tu Rama, jana si Saul pe mulak noma tu bagasna di Gibea.

1 SAMUEL 16:13

Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.

1 SAMUEL 19:18

Dung malua si Daud, kehe ma ia tu bagas ni si Samuel di Rama, lalu dipajojor ia ma sudena na nibaen ni si Saul i tusia. Dung i rap kehe ma si Daud dohot si Samuel tu Nayot jana tinggal disi ma halahi.

1 SAMUEL 2:11

Dung i mulak ma si Elkana tu Rama, tapi anggo si Samuel anaknia i, tinggal ma di Silo jana disi ma ia mangoloi Tuhan di bagasan pangajarion ni si Eli.

1 SAMUEL 25:1

Nada sadia honok nari marujung mangolu ni si Samuel. Marlagut ma sude Israel jana tumatangis. Dung i dikuburkon ma ia di bagasnia di Rama. Dung i kehe ma si Daud tu Parhorsihan Paran.

1 SAMUEL 7:17

Jana sai mulak do ia mangulahi tu Rama. Na gabe hakim ni halak Israel do ia disi jana dipajongjong ia muse sada langgatan di Tuhan.

1 SAMUEL 8:4

Jadi gabe marlagut ma sude pamimpin ni Israel, lalu kehe mandapotkon si Samuel di Rama,

1 SAMUEL 9:26

lalu modom ma ia. Di na bincar mataniari, dipiohon si Samuel ma si Saul na di tarup i, ning ia ma, “Ngot ma ho, beta anso hutaruhon ho.” Ngot ma si Saul, lalu rap kehe dohot si Samuel.