1 SAMUEL 1:15 - BIBEL JAMITA NA DENGGAN

¹⁵ Tapi dialusi si Hanna ma, “Nada na mabuk au da amang, nada adong minum anggur au! Na marsak situtu do au, tapi na martangiang do au paboahon pardangolanku tu Tuhan.

1 SAMUEL 1:15 ပူးပေါင်းရင်းမြစ်များ

JOB 30:16

Saonnari mate ne noma da iba; so adong be na panayang pardangolanniba.

MASMUR 143:6

Martangiang au tu Ho dohot pahortang tangan; songon tano na hiang, tondingku manghalungunkon Ho.

MASMUR 42:4

Malala ate-atengku muda huingot hatiha na salpu, di na mardalan tu Bagas Ni Debata rap dohot halak na bahat au. Mardalan di jolo ni barisan i ma au, mardongan surak-surak dohot ende pamujian.

MASMUR 62:8

O hamu bangsongku, sai tu Debata ma hamunu mararop roha, usehon ma isi ni rohamu tuSia, angke Ia do inganan parsiholipanta.

MASMUR 62:9

Anggo jolma sangombus hosa do i na godang sanga na menek rap na so mararga do i. Muda nitimbang, tardapot ma halahi na nayang, numayang sian sangombus hosa.

PODA 14:10

Jop ni roha dohot arsak nisimpan di bagasan andora; nada tarhilala halak na asing i songon pangkilalaanniba.

PODA 15:1

Alus na lambok paombun rimas alus na kasar patamba gilap.

PODA 25:15

Hasobaron mardongan hata na tabo tarbaen do i paposkon roha ni halak na markuaso, jana marhite hata na lambok tarbaen ia mangagohon hata na risi.

ANDUNG 2:19

Pupu hamu ma tarsunggul sasaborngin laho marsurak mangido ibo ni roha ni Tuhan i. Usehon na di rohamu taringot tu dakdanakmu na malean jana na marompasan di sude pangeldohan ni dalan.

1 SAMUEL 1:16

Ulang antong dietong au dadaboru na so hasaya. Hara ni marsak ni rohangku do dibaen na martangiang au songon on.”

1 SAMUEL 7:6

Jadi marlagut ma halahi sude di Mispa. Ditimbai halahi ma aek jana diparduruskon halahi ma i gabe songon haul tu Tuhan, jana dipaudut halahi tu na marpuaso tangging sadari i. Didok halahi ma, “Madung mardosa hami tu Tuhan.” (Di Mispa ma dipungka si Samuel pasidungkon angka parkaro parsalisian ni halak Israel.)