1 SAMUEL 1:11 - BIBEL JAMITA NA DENGGAN

¹¹ Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”

1 SAMUEL 1:11 ပူးပေါင်းရင်းမြစ်များ

PAMUNGKAAN 28:20

Jadi marsumpa ma si Jakob tu Debata, “Muda didongani jana diondihon Ho au di pardalanankon jana dilehen Ho panganon dohot pakean

PAMUNGKAAN 29:32

Denggan ma pamatang ni si Lea, jadi sorang ma sada anaknia halaklahi. Ning ia ma, “Ditatap Tuhan do hape hasusaanku, jana haholongan ni halaklahingku noma au.” Jadi dibaen ia ma goar ni anaknia i, si Ruben.

PAMUNGKAAN 30:22

Jadi diingot Debata ma si Rahel; ditangihon Debata ma pangidoannia jana dipatola Debata ma ia mardakdanak.

PAMUNGKAAN 8:1

Nada dihalupahon Debata si Noak rap dohot sude binatang na adong di bagasan kapal i; mangombus ma alogo dibaen Debata gabe mamungka ma surut aek i.

2 SAMUEL 16:12

Betak na parrohahonon ni Tuhan do pardangolankon jana pasupasuonNia au gonti ni bura i.”

MASMUR 25:18

Ligi ma pardangolan dohot hasompitanku, jana sesa ma sude dosangku.

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

PODA 31:2

“Anakku, hasudungan ni rohangku, na hutubuhon songon alus ni tangiangku. Aha ma sidohononku tu ho?

PARJAMITA 5:4

Jadi muda marjanji ho tu Debata, sigop ma ho patuluskon i. Nada dihagioti rohaNia jolma na bodo pangalahona. Antong patulus ma janjimu.

HAMALIMON 27:2

deba nari paraturan tu halak Israel, “Muda dilehen sada halak tu Tuhan i panggarar ni niet na mardohonan, tola do gararon ni halahi dohot hepeng, songon on pangalahona.

BILANGAN 21:2

Dung i marniet ma halak Israel, ninna halahi ma tu Tuhan, “Muda dilehen Ho hamonangan di hami mangalo halahi, haulkononnami ma sude kota ni halahi tu Ho, jana roncohononnami ma halahi.”

BILANGAN 6:11

Unggas na sada lehenon ni malim i ma i gabe haul hasesaan ni dosa jana na asing i, gabe haul situtungon ma i laho paiaskon sian hahodaron hara ni na dais tu bangke i. Laing di ari i angkon mangulahi baenon ni halakna i mardohonan obukna i,

BILANGAN 6:5

Salolot dinietkon ia gabe halak nasir ia, nada tola manggunting obuk sanga marcukur. Madung dirahut nietnia i ia lopus gok hatihana pasahatkon dirinia tu Tuhan. Salolot ni i ma angkon padiaronnia maginjang obuk dohot janggutnia.

BILANGAN 6:8

Salolot nasir dope ia madung halak na mardohonan ia di Tuhan.

HAKIM-HAKIM 11:30

Dibaen si Jefta ma janjinia tu Tuhan songon on, “Muda lomo roha ni Tuhan au manaluhon halak Amon,

HAKIM-HAKIM 13:5

angke anggo anak na giot kandungonmi madung ditontuhon hian gabe halak nasir, jadi hara ni i, muda dung sorang anakmi ulang dipangkas obukna i. Ia ma ibana na giot paluahon bangso Israel sian kuaso ni halak Pilistin.”

1 SAMUEL 1:10

Marsak sajo roha ni si Hanna, jana martangiang ma ia tu Tuhan lalu tangis panguncombopon.

1 SAMUEL 1:12

Honok sajo do si Hanna na martangiang i, jana diparrohahon si Eli do pamangan ni anak boru i.

1 SAMUEL 1:19

Ancogotna i manyogot-nyogot dope, ngot ma si Elkana dohot dongan sabagasnia jana dung salpu maribadat tu Tuhan mulak ma halahi tu Rama. Jana rap ma si Elkana dohot si Hanna dadaborunia i, jana tulus ma dibaen Tuhan tangiang ni si Hanna i.

1 SAMUEL 1:22

Tapi anggo sanoli on nada dohot si Hanna. Didok ia tu halaklahinia i, “Disi mantak managuk si Samuel taruhononku ma tu Bagas Ni Tuhan, jana disi ma ia maringanan salolot mangolu.”

1 SAMUEL 1:27

Na mangido dakdanak on do au tu Tuhan, jana madung ditangihon Ia pangidoanki.

1 SAMUEL 1:28

Jadi hara ni i, hupasahat ma dakdanak on tu Tuhan anso gabe Ia nampunasa salolot mangolu.” Dung i marsomba ma halahi tu Tuhan.

1 SAMUEL 2:20

Jadi dipasupasu si Eli ma si Elkana dohot dadaborunia i jana didok ia ma tu si Elkana, “Sai dilehen Tuhan ma anak muse di ho sian dadaborumon laho manggonti anak na dung nilehenmon tu Tuhan.” Dung salpu i mulak ma halahi tu Rama.