1 SAMUEL 1:10 - BIBEL JAMITA NA DENGGAN

¹⁰ Marsak sajo roha ni si Hanna, jana martangiang ma ia tu Tuhan lalu tangis panguncombopon.

1 SAMUEL 1:10 ပူးပေါင်းရင်းမြစ်များ

PAMUNGKAAN 30:1

Hape anggo si Rahel laing so maruntungan do. Jadi gabe mangiburu ma ia mida angkangnia i, jana didok ia ma tu si Jakob, “Lehen ma da di au anak! Anggo inda, mate noma da au.”

PAMUNGKAAN 50:10

Dung lalu halahi tu inganan pardegean na di Atat di Habincaran ni Batang aek Jordan, mangandungi ma halahi disi mangangguk godang. Dipatupa si Josep ma horja siluluton disi pitu ari honokna.

2 SAMUEL 13:36

Hum didok ia songon i, marmasuhan ma angka dakdanak ni si Daud i tu kamar inganan ni si Daud i. Dipungka halahi ma tangis, jana tangis muse ma si Daud dohot angka naposonia i marsingotngot.

2 SAMUEL 17:8

Torang do diboto raja i, anggo si Daud dohot parangannia i angka parporang na barani do. Na songon gompul boru-boru na agoan anak do jingar ni halahi. Boti muse, si Daud sandiri pe parajurit na marpangalaman do i na so jungada modom rap dohot parangannia.

2 RAJA-RAJA 20:3

“Tuhan, ingot ma na dung huoloi Ho sian burju dohot situtu ni rohangku. Sai hugogo do anso hupatulus hagiotMu.” Lalu mangangguk ma si Hiskia.

JOB 10:1

Loja au jana magigi paida-ida ngolungku. Gabe huusehon na paet di rohangku.

JOB 7:11

Hara ni i nada tarhasipkon au! Na gilap dohot na paet nada tarpompom au. Angkon mungkap pamanganniba jana niusehon na di roha.

JOB 9:18

Umpe jabat humosa iba hum sangombas. Mur marrongoman dibaenSa tu iba hapaetan.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

PODA 14:10

Jop ni roha dohot arsak nisimpan di bagasan andora; nada tarhilala halak na asing i songon pangkilalaanniba.

JESAYA 38:15

Aha ma he na tardok au? Karejo ni Tuhan do on; nada tarpodom au hara ni hamarsahan on.

JESAYA 54:6

Harana dipiohon Tuhan do ho, songon ina na ditinggalkon jana marsak, songon ina na poso di hatiha ditulak ia, ninna Debatamu:

JEREMIA 13:17

Muda nada ringkot rohamu manangihonsa, tangis ma au di sihabunian. Di bagasan pangkilalaan na hancit ginjang ni rohamu hutangisi. Marabur ma ilu ni matangku hara ni na hona taban bangso ni Tuhan gabe halak buangan.

JEREMIA 22:10

Hamu halak Juda, ulang ma hamu marsak hara ni parmonding ni Raja Josia. Si Joahas anakna i ma tangisi hamu angke madung hona oban ia jana nada mulak be. Nada idaonna be tano hatubuanna.

ANDUNG 3:15

Hum hapaeton do dipadaihon Ia tu au baen panganon dohot inumonku.

LUKAS 22:44

Mabiar situtu do Jesus, gabe mur marsitutu ma Ia na martangiang i. Songon mudar noma hodokNia manetehi tu tano i.]

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

HAKIM-HAKIM 21:2

Saonnari kehe ma halahi tu Betel jana marjuguhan di bagasan arsak di adopan ni Tuhan. Tangis ma halahi pio-pio,

RUT 1:20

“Ulang goari au si Naomi,” ning si Naomi, “si Mara ma au goari hamu, angke madung dipadiar Debata Na Markuaso i do au mangolu gok hapaeton.

1 SAMUEL 1:11

Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”

1 SAMUEL 1:9

Sanoli dung mangan halahi di Bagas Ni Tuhan di Silo, jongjong ma si Hanna. Topet hatiha i juguk Malim Eli di karosinia di lambung pintu.