1 SAMUEL 1:1 - BIBEL JAMITA NA DENGGAN

¹ Adong ma sada bayo na margoar si Elkana, sian Marga Efraim. Maringanan di kota Rama na di pardolohan Efraim do ia. Si Elkana on i ma anak ni si Jeroham jana pahompu ni si Elihu. Masuk tu horong Tohu jana masuk tu Marga Zup.

1 SAMUEL 1:1 ပူးပေါင်းရင်းမြစ်များ

1 RAJA-RAJA 11:26

Halak na asing na mangalo tu si Salomo, i ma sada halak pagawenia na margoar si Jerobeam. Anak ni si Nebat sian Zareda na di Efraim do ia. Madung mabalu anggo inangnia, na margoar si Zerus.

1 JUJUR TAON 6:12

Zadok, Salum,

1 JUJUR TAON 6:22

Songon on ma parjojorna tarombo ni si Kehat: Aminadab, Korah, Asir,

1 JUJUR TAON 6:33

Songon on ma parjojorna tarombo ni angka halak na maniop jabatan i: Sian horong Kehat: Si Heman anak ni si Joel. Ia ma pamimpin ni parende na parjolo. Parjojor ni tarombona sian toru tu ginjang lalu tu si Jakob songon on ma: Heman, Joel, Samuel,

1 JUJUR TAON 6:34

Elkana, Jeroham, Eliel, Toah,

MATEUS 27:57

Dung potang ari ro ma sada halak na mora sian Arimatea na margoar si Josep. Laing anak sisean ni Jesus do ia.

JOSUA 24:33

Dung i marujung muse ma ngolu ni si Eleasar anak ni si Harun jana dikuburkon di Gibea, i ma sada kota na di luat partoran Efraim. Madung dilehen kota i tu si Pinehas anak ni si Eleasar.

HAKIM-HAKIM 12:5

Diingani halak Gilead na marporang i ma angka inganan panariparan na di Batang aek Jordan, anso tarbaen halahi manangkup angka halak Efraim na giot maporus. Ganop adong halak Efraim na giot maporus, mangido isin anso dipaloas taripar, disapai halak Gilead i ma, “Halak Efraim dehe ho?” Alusanna ma i, “Nada ale.”

HAKIM-HAKIM 17:1

Adong ma sada halaklahi na margoar si Mika. Maringanan di luat partoran na di tano Efraim do ia.

HAKIM-HAKIM 19:1

Taran so adong dope raja di Israel, adong ma sada halak Levi maringanan dao di bagasan luat partoran Efraim. Dibuat ia ma sada bujing-bujing gabe radingnia sian Betlehem Juda.

HAKIM-HAKIM 4:5

Somalna sai juguk do si Debora di toru ni bona ni kurma, antara ni Rama dohot Betel, na di partoran Efraim. Jana, disi ma halak Israel marroan laho mangido sipaingot tusia.

RUT 1:2

Goar ni bayo i si Elimelek, goar ni dadaborunia si Naomi, jana goar ni anaknia na dua i si Mahlon dohot si Kilion do; halak Efrata do halahi sian Betlehem na di Juda. Dung lalu halahi di Luat Moab, tinggal ma halahi disi.

RUT 4:22

si Obed manubuhon si Isai, jana si Isai manubuhon si Daud.

1 SAMUEL 1:19

Ancogotna i manyogot-nyogot dope, ngot ma si Elkana dohot dongan sabagasnia jana dung salpu maribadat tu Tuhan mulak ma halahi tu Rama. Jana rap ma si Elkana dohot si Hanna dadaborunia i, jana tulus ma dibaen Tuhan tangiang ni si Hanna i.

1 SAMUEL 17:12

Anggo si Daud, anak ni si Isai halak Efrata sian Betlehem na di Juda do. Adong do salapan anak ni si Isai jana dompak di zaman ni si Saul mamarenta, anggo si Isai madung matobang situtu.

1 SAMUEL 2:11

Dung i mulak ma si Elkana tu Rama, tapi anggo si Samuel anaknia i, tinggal ma di Silo jana disi ma ia mangoloi Tuhan di bagasan pangajarion ni si Eli.

1 SAMUEL 7:17

Jana sai mulak do ia mangulahi tu Rama. Na gabe hakim ni halak Israel do ia disi jana dipajongjong ia muse sada langgatan di Tuhan.

1 SAMUEL 9:4

Jadi didalani si Saul ma dohot pangoloi i partoran Efraim dohot tano Salisa, tapi nada padumpang dohot halode i. Dung i dipatorus halahi ma mardalan tu tano Sahalim, tapi nada adong muse disi halode i. Dijalahi halahi muse do di luat ni Benyamin, tapi nada padumpang.

1 SAMUEL 9:5

Dung lalu halahi di tano Zup, didok si Saul ma tu hatoban i, “Beta ma hita mulak ale, ulang-ulang sak an dope roha ni amanta manyarihon hita ulang pado angka halode i.”