1 PETRUS 5:9 - BIBEL JAMITA NA DENGGAN

⁹ Alo hamu ma i, jana ulang ma ganggu haporsayaanmunu tu Kristus i, harana diboto hamunu do, angka donganmunu pe di portibi on na rap sahaporsayaan tu Kristus i, laing manaon parkancitan do songon hamu.

1 PETRUS 5:9 ပူးပေါင်းရင်းမြစ်များ

LUKAS 22:32

Tapi madung martangiang Au hara ni ho Simon, anso ulang hambar haporsayaanmi. Jana muda dung mulak ho mangulahi tu Au, angkon patoguonmu do angka kahanggimu.”

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

1 KORINTUS 10:13

Sanga aha pe cobaan na nibolusmunu, cobaan na somal dialami jolma dope i. Tapi anggo Debata burju do marningot janjiNa. Nada pola dipadiar Ia hamu dicoba lobi sian na tolap gogomunu. Muda hatiha ro cobaan tu hamu, lehenonNia do dalan di hamu anso tahan hamu manaon cobaan i.

EPESUS 4:27

Ulang lehen hamu hatiha di Sibolis i.

EPESUS 6:16

Sanga sadihari, paoban-oban hamu ma haporsayaanmunu na gabe parincemunu; haintopan hamu do sudena bisa ni angka na marapi sian na jahat i.

KOLOSSE 2:5

Angke haru pe dao au sian hamu, anggo tondingku rap do dohot hamu. Jana jop do rohangku mida hamu, di na togu hamu mangkaporsayai Kristus jana marsada roha.

1 TESSALONIKA 3:3

anso ulang adong sahalak pe sian hamu na dumaol-daol hara ni angka parkancitan on. Hamu sandiri pe diboto hamunu do na nitontuhon ni Debata hian do angka parkancitan i gabe bagianta.

1 TIMOTEUS 6:12

Situtui ma mamorangkon na nihaporsayaanmi jana sai parayak ma ngolu na so mantak i. Angke tusi do ho dipiohon Debata di na niokumu di jolo ni halak na bahat paboa na porsaya ho tu Kristus.

2 TIMOTEUS 3:12

Angkon hona ayak-ayak do tutu sude halak na ra pasahat ngoluna marsomba tu Debata jana na marpardomuan dohot Kristus Jesus,

2 TIMOTEUS 4:7

Anggo au madung hudohoti parlumbaan i sadenggan-dengganna, jana madung lalu tu ujung, jana madung humomosi do haporsayaan i.

IBRANI 11:33

Hara ni haporsayaanna, ditaluhon halahi do angka harajaan. Na tigor do na nibaen ni halahi, gabe dijagit halahi ma na nijanjihon ni Debata. Dihuntam halahi do baba ni angka singa.

IBRANI 12:8

Anggo na so dohot do hamu diajar songon pangajarina di sude dakdanaknia, anak gampang do hamu muda songon i, nada anakna kandung.

JAKOBUS 4:7

Antong, oloi hamu ma Debata jana alo hamu ma Sibolis i, anggo i marlojongi ma Sibolis i sian hamu.

1 PETRUS 1:6

Hara ni i angkon marjop ni roha do hamu, haru pe saonnari angkon laing marsak hamu santongkin hara ni na manaon angka pandugaan hamu.

1 PETRUS 2:21

Hara ni i do umbaen na nipio ni Debata hamu. Angke Kristus sandiri pe madung ditaon Ia parkancitan hara ni hamu jana markite-hite i dilehen Ia ma di hamu tiruan anso diihutkon hamu indegeNia.

1 PETRUS 3:14

Tapi haru pe angkon manaon hamu hara ni na mambaen angka pangalaho na denggan, na maruntung do hamu disi! Ulang hamu mabiar sanga na mida ise pe jana ulang hamu tarsonggot.

1 PETRUS 4:13

Angkon mur sonang do rohamunu angke dohot do hamu manaon parkancitan rap dohot Kristus. Jadi saulahon muda dung dipataridahon hasangapan ni Kristus i tu sude jolma, marsurak-surak ma hamu disi.

HALUMBAAN 1:9

Si Johannes do au, kahanggi bope donganmunu saparjuangan na topet manaon parkancitan, di harajaan dohot di pohom ni roha paintehon Jesus. Na tarbuang do au di pulo Patmos hara ni na pararatkon jamita na sian Debata na nipasahat ni Jesus.

HALUMBAAN 6:11

Dung i dilehen ma tu halahi sada be baju juba na bontar. Dung i disuru ma halahi maradian santongkin nari, painte gok bilangan ni angka aleale ni halahi saparjuangan dohot angka dongan ni halahi na hona bunu songon halahi.

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.