1 PETRUS 5:7 - BIBEL JAMITA NA DENGGAN

⁷ Pasahat hamu ma sudena holos ni rohamunu tu Debata, angke diparrohahon Ia do hamu.

1 PETRUS 5:7 ပူးပေါင်းရင်းမြစ်များ

MASMUR 34:15

Diparrohahon Tuhan do halak na daulat, muda pio-pio halahi, ditangihon Ia.

MASMUR 37:5

Pasahat ma ngolumu tu Tuhan, tuSia ma ho mararop roha, dumpang ma tolonganNia.

MASMUR 40:17

Na gale do au on jana na pogos, ale Tuhan, hape diparrohahon Ho do au. Ho do na mangurupi dohot na paluahon au, tibu ma Ho ro, ale Debatangku!

MASMUR 55:22

Pasahat ma holos ni rohamu tu Tuhan, jadi pargogoanNia ma ho, angke nada unjung Ia padiarkon halak na tigor ditaluhon.

PODA 16:3

Pangido ma Tuhan mamasumasu karejomu, gabe tulus ma sude sangkapmu.

MATEUS 6:27

Ise ma sian hamu na tarbaen paginjangkon umurna, hum saotik pe, hara ni sak ni rohania lakna?

MATEUS 6:28

Biasi pola angkon sai lomos rohamunu taringot tu pakean? Pamanat hamu ma jolo bunga-bunga na di padang-padang i. Nada markarejo halahi, nada martonun.

MATEUS 6:31

Ulang ma lomos rohamunu! Jana ulang ma dokkon hamu, ‘Aha ma naron panganonnami’, sanga, ‘Aha ma naron inumonnami’, sanga, ‘Aha ma naron pakeannami?’

MARKUS 4:38

Tapi anggo Jesus modom do di podoman na di buritan ni parau i. Disungguli angka anak siseanNia i ma Ia. Didok halahi ma, “O, Guru! Na so parduli be Guru i di hita? Mate ma hita on!”

LUKAS 12:22

Dung i didok Jesus ma tu angka siseanNia, “I do umbaen na Hudok, ‘Ulang humolos rohamunu hara ni angka parngoluonmunu, i ma taringot tu sanga aha na giot panganonmunu annon, sanga aha na giot pakeonmunu annon.’

LUKAS 12:26

Muda so tarpatupa hamu do salang na songon i menekna, biasi ra hamu mangholoskon angka na asing-asing i?

JOHANNES 10:13

Marlojong do parkarejo na niupaan i, angke hara ni na niupaan do ia antong umbaen na karejo; nada dipardulihon ia anggo biri-biri i.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

1 SAMUEL 30:6

Giot marmara tutu do si Daud, dibaen sun do marsakna parangan ni si Daud i hara ni na agoan anak dohot dadaboru. Jadi gabe giot didangguri halahi do si Daud dohot batu. Jadi targogot situtu ma si Daud, tapi laing dipatogu Tuhan Debatania mangulahi rohania.