1 PETRUS 5:6 - BIBEL JAMITA NA DENGGAN

⁶ Hara ni i paserep hamu ma rohamunu di bagasan kuaso ni Debata, anso dipagincat Ia hamu muda dung dapot di hatihana.

1 PETRUS 5:6 ပူးပေါင်းရင်းမြစ်များ

1 RAJA-RAJA 21:29

“Diida ho dehe sanga songon dia dipaserep si Ahab rohania di jolongKu? Nada be paroonKu bala i hara ni i salolot mangolu ia. Dung di anaknia pe anso ro baenonKu hasusaan i.”

2 RAJA-RAJA 22:19

Jana hara ni i gabe manyosal ho jana dipatoruk ho dirimu di jolongKu. Disibakkon ho do pakeanmu jana tangis ho tanda ni marsakmu di na nibegemu ancaman na Hudok giot manguhumi Jerusalem dohot halak na maringanan disi, jana mambaensa gabe panatapan na jorbut, jana goar ni Jerusalem gabe goar bura noma. Tapi madung Hutangihon tangiangmi.

2 JUJUR TAON 12:12

Hara ni na nipatoruk ni raja i rohana di adopan ni Tuhan, gabe mombun ma muruk ni Tuhan tusia jana nada diabiskon Tuhan ia. Gabe denggan muse ma na masa di Juda.

2 JUJUR TAON 30:11

Tapi laing adong do antong halak na sian Marga Aser, Manase dohot Zebulon na ra ro tu Jerusalem.

2 JUJUR TAON 32:26

Tapi ujungna patoruk rohana do si Hiskia dohot angka halak Jerusalem, jadi gabe nada didalankon be uhuman i salolot mangolu si Hiskia.

2 JUJUR TAON 33:12

Di bagasan pardangolannia i dipatoruk ia ma rohania tu Tuhan Debatania jana martangiang ma ia mangido pangurupionna.

2 JUJUR TAON 33:19

Di bagasan Buku Sejarah Ni Panurirang-panurirang disuratkon muse do tangiang ni si Manase dohot alus ni Debata tu tangiangnia i, songon i ma barita salaho tu angka dosania painte so muba rohania, angka inganan parsombaan ni gana-ganaan dohot angka patung ni Debata Asera na nibaennia, angka gana-ganaan na nisombania.

2 JUJUR TAON 33:23

Tapi asing sian amangnia i, nada patoruk roha si Amon jana nada mulak ia tu Tuhan; sumantak dope pardosaonnia sian amangnia i.

2 JUJUR TAON 36:12

Ia pe mardosa muse do tu Tuhan. Nada ra ia patoruk rohania jana nada diihutkon ia Panurirang Jeremia na palaluhon tona na sian Tuhan.

JOB 36:22

Ingot ma da, na santak godang kuaso ni Debata. Adong dehe guru songon godangNia?

MASMUR 75:10

TipulkononNia ma hagogoan ni parjahat, hape anggo halak na burju mur margogo ma.

MASMUR 89:13

Na lobi godang do antong kuasoMu, jana na sumurung do hagogoonMu!

HARURUAR 10:3

Jadi kehe ma si Musa dohot si Harun mangadop tu raja i, jana didok halahi ma, “Tuhan, Debata ni bangso Ibrani mandok, ‘Sadia honok nari ma he gagaanmu tunduk tu Au? Loas ma bangsongKi kehe anso tarbaen halahi maribadat tu Au.

HARURUAR 3:19

Dung i didok Debata dope, “Huboto do, nada loason ni raja Mesir i hamu kehe, asing ma muda na nipaksa.

HARURUAR 32:11

Tapi dielek-elek si Musa do anso mombun roha ni Tuhan, Debatania i, didok ia ma, “Biasi ma he jabat songon i murukMu tu bangsoMu na dung diobanMi ruar sian Mesir mardongan hagogoon na tarlobi rap dohot tangan na gogo situtu?

PODA 29:23

Na laho madabu do siginjang roha sipasangapon do halak na toruk roha.

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

JESAYA 40:4

Ganop rura angkon timbunon, jana dolok dohot tor dipahornop. Tano na mardolok-dolok dipahornop, jana tano na marholbung-holbung angkon dipadosdos.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JEREMIA 13:18

Didok Tuhan tu au, “Suru ma raja i dohot namora i mijur sian habangsana i, angke madung madabu tukuna na jeges i sian ulunia.

JEREMIA 44:10

Tapi lopus sadari on nada ra hamu paserep rohamunu. Nada dipasangap hamu Au jana pardalan ni ngolumunu nada mangihutkon TonaKu na Hulehen tu hamu dohot tu ompumunu.

JEHESKIEL 17:21

Tentarania na dumenggan i pe marmatean ma di parporangan, jana angka na tarbaensa malua paserakonKu noma i tu sude luat. Jadi gabe botoon ni bangsongKi ma, bahaso Au Tuhan madung mandok songon i.”

JEHESKIEL 21:6

“Ale anak ni jolma, mangangguk! Mangangguk ma ho di jolo ni halahi songon halak na matipul rusukna. Jana na maringanan di bagasan parhancitan na paet.

DANIEL 5:22

Hape anggo anaknia, i ma raja i sandiri, nada ra patoruk roha, haru pe nian diboto raja i do sudena i.

HAMALIMON 26:41

gabe Hualo halahi jana Huusir halahi tu habuangan di luat ni musu ni halahi. Di pudi dung tunduk angka pomparanmu jana dung mardalan uhuman hara ni dosa dohot pangaloon ni halahi,

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

MATEUS 23:12

Halak na patugincat dirina angkon dipatoruk. Dung i halak na patoruk dirina angkon patugincaton.”

LUKAS 1:52

Dipaijur Ia angka raja sian juguhanna jana dipagincat Ia angka halak na bile.

LUKAS 14:11

Angke sude halak na pagincatkon dirina sipatoruhon do, jana sude halak na patutoru dirina sipagincaton do.”

LUKAS 18:14

Jadi Hudokkon ma tu hamu: “Mulak ma halak on songon halak na nipatigor ni Debata jana halak na asing i nada. Dibaen barang ise na paginjangkon dirina, nipatutoru do muse; tapi na patutoruhon dirina, dipatuginjang do muse.”

SURAT NI SI PAULUS TU PARLAGUTAN ROM 5:6

Dibaen di hatiha hagaleonta, madung mate Kristus humopkop hita angka na durako, di hatiha na dung ditontuhon ni Debata.

1 KORINTUS 10:22

Anso mangiburu dehe lakna Tuhan baenonta? Gumogo dehe hita lakna sian Tuhan?

PANGARATAION 32:35

Palaluon ni Tuhan ma hosomNa, anso didabu tu halahi uhumanNa; ro do hatihana madabu halahi; ma pola donok arina maropuk halahi.

1 TIMOTEUS 2:6

Madung dipasahat Ia diriNia gabe partobus humopkop sudena, anso disaksihon di hatiha na nitontuhon Debata.

TITUS 1:3

Topet di hatihana, dipataridahon Debata do ngolu i di bagasan barita i jana hupaboa do i hara ni parenta ni Debatanta Sipalua i.

JAKOBUS 4:10

Patoruk hamu ma dirimunu di jolo ni Tuhan, gabe patuginjangon ni Tuhan i ma hamu.

JAKOBUS 4:7

Antong, oloi hamu ma Debata jana alo hamu ma Sibolis i, anggo i marlojongi ma Sibolis i sian hamu.

JAKOBUS 5:10

Ligi hamu ma angka panurirang na mandok hata mangasahon goar ni Tuhan. Sobar do halahi jana tahan manaon parkancitan. Jadi, halahi ma baen hamu gabe tiruan.