1 PETRUS 5:5 - BIBEL JAMITA NA DENGGAN

⁵ Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

1 PETRUS 5:5 ပူးပေါင်းရင်းမြစ်များ

2 JUJUR TAON 6:41

Jongjong ma Ho saonnari ale Tuhan Debata! Jana masuk ma nian Ho tu bagasan bagas paribadatan on rap dohot Poti Parjanjian na manggombarkon kuasoMon jana maringanan ma Ho dison lopus salolot-lolotna. Sai pasupasu ma sude parkarejoan ni angka malimMu jana sai martua ma sude bangsoMu hara ni burjuMu tu halahi.

JOB 22:29

Patutoruon ni Tuhan do halak siginjang roha, hape anggo na serep marroha paluaonNa ma.

JOB 29:14

Tigor do pambaenanku nada adong sigoraan; sai ganop ari do hupajongjong hatigoran.

MASMUR 132:16

PasupasuonKu angka malimnia di sude ragam ni karejona, marendei jana marmoga-moga ma bangsonia.

MASMUR 132:9

Sai marjop ni roha ma nian bangsoMu jana angka malimMu pe sai mangolu ma mangihutkon giot ni rohaMu.

MASMUR 138:6

Na godang do Ho, hape laing diparrohahon Ho muse do halak na menek, nada tarbaen halak siginjang roha martabuni sian joloMu.

PODA 25:7

Gumonan do disuru juguk tu inganan na sumangap, ulang pado disuru mangalehen inganan tu na umpangkat.

PODA 3:34

Dipaila Ia do halak sigincat roha, tapi dipasupasu Ia do halak na toruk roha.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

JEHESKIEL 26:16

Paida-ida bagianmu, jongjong ma angka raja na sian bangso-bangso na di topi ni laut sian habangsana, bukaonna baju juba hasangapanna baju na marsulam na nipake ni halahi, lalu marjuguhan di tano humitir be. Sun ma biar ni halahi, gabe nada tarbaensa so.

DANIEL 11:12

Dung i ginjang ma rohania hara ni hamonangannia i dohot hara ni bahat ni musu dimatehon ia, tapi nada sai torus ia monang.

HAMALIMON 19:32

Halak na dung matobang angkon habiaran jana pasangaponmu. Habiari jana pasangap ma Au, angke Au do Tuhan.

LUKAS 22:26

Tapi anggo hamu ulang ma songon i. Sabalikna do, halak na gumodang sian hamu angkon gabe ummenek do, jana giot gabe pamimpin angkon gabe songon pangoloi.

SURAT NI SI PAULUS TU PARLAGUTAN ROM 12:10

Tangkas ma hamu antong marsihaholongan sama hamu songon halak na martinadohon, jana marsijolo-joloan ma hamu marsipasangapan.

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

EPESUS 5:21

Dung i marsiolo-oloan ma hamu di bagasan biar ni roha mida Debata.

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

KOLOSSE 3:12

Antong hamu angka na dung dipuldit ni Debata, na diparbadia i jana na dihaholonginNia, pake hamu ma ibo ni roha, habasaron, toruk ni roha, lambok ni roha dohot hapohomon.

1 TIMOTEUS 5:1

Ulang songgahi halak na matobang, tapi paingot ma ia songon amanta sandiri. Angka na poso baen ma songon kahanggimu,

IBRANI 13:17

Ihutkon hamu ma angka parenta na sian pamimpinmunu jana oloi hamu ma na nidok ni halahi. Angke tongtong do diparrohahon halahi tondimunu jana angkon martanggung jawab do halahi tu Debata. Muda dioloi hamu do halahi, tarbaen halahi ma markarejo di bagasan sonang ni roha; muda inda songon i, humolos ma halahi na karejo i, jana nada adong ro labo sian na songon i di hamu.

JAKOBUS 4:6

Haru songon i pe, gumogo dope asi ni roha ni Debata na nilehenNa i di hita ulang pado hagiot ni rohanta i. Hara ni i do umbaen na laing tarsurat di Buku Na Badia i muse, “Dialo Debata do halak siginjang roha, tapi asi do rohaNia anggo tu halak na toruk roha.”

1 PETRUS 3:8

Songon on ma panyimpulina: Angkon saroha do hamu jana sapangkilalaan. Marsihaholongan ma hamu na sada tu na asing songon na markahamaranggi. Jana marsiasi-asian ma hamu jana martoruk ni roha na sada tu na asing.

1 PETRUS 4:1

Dibaen madung manaon parkancitan Kristus mangihutkon parsibuhon, hamu pe angkon laing papironmunu do rohamunu dohot parngoluan na songon i. Angke sanga ise na manaon mangihutkon pangkilalaan parsibuhon, nada ra be i mambaen dosa.

1 PETRUS 4:5

Tapi angkon lehenon ni halahi do saulahon partanggung jawaban tu Debata na dung singkop laho manguhumi halak na mangolu dohot halak na dung mate.