1 PETRUS 5:4 - BIBEL JAMITA NA DENGGAN

⁴ Jadi muda ro Parmahan Bolon i, jagitonmunu ma tuku hamuliaon na so ra malos.

1 PETRUS 5:4 ပူးပေါင်းရင်းမြစ်များ

MASMUR 23:1

Songon sada parmahan do Tuhan di au, nada adong hurang bagi aha di au.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

JEHESKIEL 34:23

AngkatonKu ma parmahan laho marmahani halahi, i ma naposongKu si Daud, jana parmahanonnia ma halahi.

JEHESKIEL 37:24

Jadi naposongKu si Daud ma gabe rajana jana sada ma na marmahani halahi. Mangolu ma halahi di bagasan pangoloionna tu angka uhumKu dohot mangkarejohon sude angka tonangKu.

DANIEL 12:3

Marsinondang be ma songon sinondang ni langit angka pamimpin na marbisuk i. Jana halahi na dung mangajari halak na bahat laho mambaen sanga aha na denggan dohot na tigor, marsinondang ma halahi songon angka bintang i salolot-lolotna.”

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

JOHANNES 10:11

“Au do parmahan na denggan. Rade do mate anggo parmahan na denggan manghopkop biri-birina.

1 KORINTUS 9:25

Tapi ganop halak na marsiadu, diorom ia do sudena i. Dibaen halahi pe songon i anso dapot halahi do tuku na so manongtong, tapi anggo hita anso dapotan tuku na manongtong i do.

2 TIMOTEUS 4:8

Jana saonnari upa ni hamonangan i noma sipainteonku. Di Ari Parpudi, pasahaton ni Tuhan Panguhum na tigor i ma upa i tu au, angke di bagasan pardomuan na denggan do au mangolu dohot Debata. Jana nada hum au sajo na giot manjagit upa i, tapi dohot do sudena halak na sai malungun paintehon haroro ni Tuhan i.

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

1 PETRUS 1:4

Hara ni i do umbaen na mararop ni roha hita maruli di pasupasu na nipasingkop ni Debata di halakNia, i ma angka pasupasu na nipasingkopNia di banua ginjang, gabe nada ra sego, sanga busuk, sanga manyocang.

1 PETRUS 2:25

Najolo, songon biri-biri na lilu do hamu hape anggo saonnari madung dioban hamu mangulahi mangihutkon Kristus, Parmahan jana na marmahani hamu.

1 PETRUS 5:2

anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum hara ni na giot manjalahi labo baen hamu, tapi hara ni situtu ni rohamunu ma mangoloi.

1 JOHANNES 3:2

Hamu angka dongan na nihaholongan! Saonnari dakdanak ni Debata do hita, tapi sanga na bia hita muse, nada dipatidahon dope i tu hita. Tapi laing toboto do, muda ro Kristus, gabe songon Ia ma hita, angke idaonta ma Ia di pangalahoNia na satutuna.

HALUMBAAN 1:7

Ligi da, na ro ma Ia dihaliangi ombun! Idaon ni sude halak ma Ia, dohot halahi na maniham Ia. Mangangguhi ma sasudena bangso na di tano on manangisi dirina be hara ni Ia. Olo, tutu do na songon i! Amen!

HALUMBAAN 2:10

Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.

HALUMBAAN 3:11

Ligi ma! Tibu do Au ro! Tiop ma na adong di ho, anso ulang adong na mambuat tukumi.