1 PETRUS 4:8 - BIBEL JAMITA NA DENGGAN

⁸ Tapi na umporlu sian sasudena i, marsihaholongan ma hamu sama hamu, angke muda marsihaholongan hamu gabe bahat ma dosa disesa.

1 PETRUS 4:8 ပူးပေါင်းရင်းမြစ်များ

PODA 10:12

Goyak ni roha patubu partongkaran; holong ni roha mangampuni sudena hasalaan.

PODA 12:16

Muda hancit roha ni halak na bodo, tangkas tarida; halak na marroha dimomos ia do hata-hata.

PODA 17:9

Muda por rohamu dihalomohon dongan, angkon ampunanmu do hasalaanna. Mambuka-buka hasalaan hum na manggotap pardonganan.

PODA 18:13

Jolo nitangihon painte so nialusan. Muda nada, oto do ho jana mambaen layas tu halak.

1 KORINTUS 13:1

Sugari tarbaen iba mangkobari di angka hata ni jolma, dohot di hata ni surusuruan, hape inda nihaholongan angka dongan na asing, tudos ma iba songon doal na maruolol sanga songon canang na mangkuling-kuling.

1 KORINTUS 13:4

Sobar do holong ni roha i jana burju. Nada mangiburu anggo holong ni roha i, inda marhata manggang, nada ginjang rohana.

KOLOSSE 3:14

Jana na umporlu: Angkon marsihaholongan do hamu sama hamu, angke holong i do na pasadahon hamu sudena gabe sanggam.

1 TESSALONIKA 3:12

Sai dipabahat, jana dipalobi Tuhanta ma holong ni roha di hamu sama hamu, bope mida ganop halak, laing songon hami mida hamu.

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

1 TIMOTEUS 1:5

Anggo tujuan ni sipaingot i, i ma laho manyungguli holong ni roha na polin sian roha na ias dohot haporsayaan na tutu situtu.

IBRANI 13:1

Tongtong ma jagohon hamu holong maradopkon dongan!

JAKOBUS 5:12

Anggo na ummarga hamu angka dongan, on do: Ulang hamu marsumpa sanga pe maradopkon langit bope tu tano on sanga maradopkon bagi aha pe tehe. Dok sajo ma “Olo” muda olo, jana “Nada” muda nada, anso ulang didabu Debata uhuman tu ho.

JAKOBUS 5:20

boto hamu ma on: Sanga ise na manogu halak pardosa marbalik sian dalanna na sala i, na nipaluania do halakna i sian hamatean jana ditutupi ia ma bahat dosa.

1 PETRUS 1:22

Hara ni na nioloanmunu ajaran na sian Debata, gabe dipaias hamu dirimunu jana holong do rohamunu mida angka halak na porsaya tu Kristus. Antong, marsihaholongan ma hamu sama hamu sian sandok rohana be.

3 JOHANNES 1:2

Hutangiangkon do anso denggan nian sasudena boti anso laing horas torkis ho nian, laing songon na huboto i na denggan do ngolu partondionmu.